1. Jiowa Koten múrinné,

Ka kan efeiéchúkem!

Ka mmen pin, unusen tuppwél,

Me unusen amwarar.

Ka pwári úméúméch me tong,

Ause fókkun fich ngeni.

A fich ngonuk ám fel ngonuk,

Enlet fókkun ngonuk chék.

2. Chókkewe ka filiretá,

Ra áppirú múrinnéóm,

A pwá lón ar kewe féffér,

Me lón ar afalafal.

Óm asukul, emmweniéch,

A sópwéch lein noum kewe.

Kese mochen fang ngún mi fel,

Pwe aupwe chón féfféréch.

3. Efeiéchú ám féfféréch

Lón met mi kis o mi lap.

Ám aúcheani pwiim kewe

Lón ám féfféréch ngeniir.

Lón famili o mwichefel,

Lón sópwum, o ápárim

Ren óm feiéch o ngún mi fel,

Álisikem le féréch.