LUPWEN kopwe äeüin küna Leonardo, kosap ekieki pwe epwe tongeni angang lon ewe leenien kaü imw pun esor kumwuchun pwe mi ttün, pun a aksiten lon an we leenien angang. Inaamwo ika a ina ussun Leonardo a fokkun angang weires lon ewe leenien angangen kaü imw lon Acajutla, El Salvador ussun met sia küna lon ei lios.

Leonardo a pwisin föri an kewe pisekin angang pwe epwe tongeni fiti ewe angang. Ren an epwe tongeni äeä ewe sofel, a iselong le sopwun pöün och mechä mi kukkumwos mi pachetä ngeni ewe sofel. Iwe, a fokkun angöch le tukelong ewe ppwul lon ewe wilparo. Ren an epwe tufichin wawa ewe wilparo, a pwal apachaatä och mechä mi kukkumwos woon leenien kamwöchün ewe wilparo. Met a amwökütü pwe epwe fiti ei angang?

Leonardo a fokkun mochen an epwe angang lon ewe angangen kaü Kingdom Hall are ewe leenien fel, än Chon Pwäratä Jiowa. Ürürün a chommong popun an esap fiti ewe angangen kaü imw, pun mei wor terin, a angang full-time iteiten rän, i pwal emön ministerial servant. Nge a chüen mochen angang ngeni Jiowa lon ükükün an tufich lon ewe leeni ia ra kaütä imw ie.

A pwal nom reom ei sokkun ekiekin angang ngeni Jiowa ussun Leonardo? Ese mut ngeni terin inisin an epwe eppeti i, nge Leonardo a äeä an we tipatchem le anapanapa an kewe pisekin angang pwe epwe tufichin angang. A angang ngeni Kot ‘ren unusen ekiekin.’ (Mattu 22:37) Meinisin ekkewe chon angang ese lifilifil ika iir mi ter are rese, lon ewe angangen kaü Kingdom Hall woon unusen fönüfan ra eäni eü chök ekiek, ekiekin fangolo unusen ar tongeni fän iten ei angang. Än Chon Pwäratä Jiowa kewe mwich mi suuk ngeni aramas meinisin nge en ka pwal ketiw om kopwe fiti.