Portibi na Dumenggan Nungnga Jonok!
Ditoppa Debata tano on, asa boi do akka jolma na setia tu Debata mangolu salelengna disi. (Psalmen 37:29) Tikki ditoppa si Adam dohot si Hawa, dibahen Debata do nasida di taman Eden na massai bagak jala dilehon do i tu nasida. Keturunan ni naside pe, dohot do bertanggung jawab lao mangurus tano on.—1 Musa 1:28; 2:15.
Alai saonari, dang songon taman Eden najolo i be tano on, songon tujuan ni Debata parjolo sahali tikki manoppa tano on. Alai nang pe songon i, dang na gabe muba rencana ni Debata na parjolo i. Jadi, songon dia do Debata lao pasautton tujuanna i? Songon naung dipaboa di majalah on, dang na lao dihancurhon Debata tano on. Lao dibahen Debata do akka jolma na porsea tu Ibana mangolu salelengna di tano on. Alai molo dung saut tujuan ni Debata i, songon dia ma annon situasi ni portibi on?
Holan sada nama na mamaretta sude portibi on
Dung Harajaon ni Debata na mamaretta tu sude jolma di portibi on, gabe tempat na sonang nama tano on. Alana, nungnga marsada be sude jolma jala mangulahon ulaon na denggan jala na mambahen las roha. Nungnga dipillit Debata be Jesus Kristus na lao gabe Raja tu sude portibi on. Asing do Jesus sian akka jolma na mamaretta saonari on. Molo Jesus, lao dibahen ibana do akka na denggan tu sude jolma. Dipatudu ibana do holong, gabe Raja na burju do ibana, parasi roha jala Raja na adil.—Jesaya 11:4.
Marsada ma sude jolma
Molo dung dibahen haduan tano on songon taman Eden, gabe sada bangso nama sude jolma, sada suku, sada marga, dohot sada bahasa. (Pangungkapon 7:9, 10) Sude ma jolma di tano on makkaholongi Debata dohot makkaholongi donganna jolma. Jala rap kerja sama ma nasida lao pasautton tujuan ni Debata, i ma mangurus tano on.—Psalmen 115:16.
Dang adong be bencana alam
Molo dung mamaretta Harajaon ni Debata tu tano on, dang lao adong be bencana alam. (Psalmen 24:1, 2) Tikki di tano on Jesus, hea do dibahen ibana gabe tenang alogo na massai gogo. Dipatudu ibana do songon dia huaso ni Debata tikki mangulahon i. (Markus 4:39, 41) Molo dung mamaretta Jesus, dang lao adong be bencana alam. Jadi dang pola mabiar be akka jolma. Asing ni i, mardame ma jolma dohot binatang. Alana, dang adong be binatang buas na berbahaya jala dang adong be jolma na manegai lingkungan alam.—Hosea 2:18.
Sehat jala gok sipanganon
Sude ma halak marlas ni roha, ala nungnga sempurna be nasida. Dang adong be na marsahit, na matua, manang na mate. (Jesaya 35:5, 6) Marlas ni roha ma sude akka jolma. Alana nungnga bagak jala ias sude tano on, songon na dihilala si Adam dohot si Hawa tikki di taman Eden. Mulak ma muse situasi di tano on songon tikki di taman Eden najolo. Gok ma sipanganon jala godang ma akka jolma di taon on. (1 Musa 2:9) Songon bangso Israel najolo, sude jolma na di portibi on annon ‘mangallang sipanganon sappe puas’.—3 Musa 26:4, 5.
Mardame ma sude jala aman
Dung mamaretta Harajaon ni Debata tu portibi on, sude halak gabe dame, burju tu na asing, jala adil tu sude halak. Dang adong be porang, dang adong be halak na lomo-lomona mamaretta jala dang adong be halak na hahurangan. Alana, songon janji ni Debata na didok di Bibel, “Ganup halak hundul ma di toru ni hau anggurna be dohot di toru ni hau arana be, dang adong be na mambahen nasida mabiar.”—Mika 4:3, 4.
Sude jolma adong jabuna jala dang adong be na pengangguran
Adong be ma jabu ni sude jolma jala dang mabiar be nasida dang marjabu. Jala aha pe na dikarejohon nasida, sude do i marhasil. Alana didok Bibel, dang sia-sia be annon karejo ni akka halak di portibi on.—Jesaya 65:21-23.
Mandapot pengetahuan na terbaik
Didok di Bibel, “Ai gok parbinotoan taringot Jahowa do saluhut tano on.” (Jesaya 11:9) Sude akka halak na di portibi on annon, lao marsiajar taringot pengetahuan ni Debata Jahowa na luar biasa dohot taringot sude toppaanna na massai bagak. Nang pe annon nga godang pengetahuan ni jolma, alai dang dipakke nasida i lao mambahen senjata manang mangulahon na so denggan tu donganna. (Jesaya 2:4) Alai dipakke nasida do pengetahuanna i lao mamboto songon dia carana asa mardame dohot na asing, jala songon dia carana lao mangurus tano on.—Psalmen 37:11.
Mangolu salelengna
Disediahon Debata do di tano on akka na porlu di hita asa boi hita marlas ni roha tiap ari. Alana, lao mangolu salelengna do jolma dibahen Debata di tano on. (Psalmen 37:29; Jesaya 45:18) Lao pasautton tujuan ni Debata, “apusonna ma hamatean saleleng ni lelengna”. (Jesaya 25:8) Didok di Bibel, “Dang adong be hamatean nang arsak ni roha, nang angguk-angguk, nang na haccit, dang disi be.” (Pangungkapon 21:4) Dilehon Debata do kesempatan lao mangolu salelengna di tano on tu halak na selamat sian panutup ni jaman on, dohot tu halak na dipahehe dung mamaretta harajaon ni Debata di portibi on.—Johannes 5:28, 29; Ulaon ni Apostel 24:15.
Nungnga marjuta halak naung mempersiappon dirina sian saonari asa boi mangolu di Harajaon ni Debata, na satokkin nai lao mamaretta di portibi on. Jadi nang pe dang sempurna, alai nungnga berupaya nasida gabe halak na dihalomohon Debata na lao mangolu salelengna di tano on. Songon dia carana? Marsiajar do nasida lao mananda Debata Jahowa dohot Jesus Kristus.—Johannes 17:3.
Boi do dapotmuna muse penjelasan tambahan taringot songon dia carana asa boi selamat tikki panutup ni jaman on. Jala songon dia carana asa boi mangolu di portibi na dumenggan. Pangido ma marsiajar Bibel secara gratis sian sahalak Saksi Jahowa, mamakke bukku Mangolu Saleleng ni Lelengna.
Mungkin Lomo do Rohamuna Mamboto
JOUJOU PABOAHON
Aha do na Lao Ulahonon ni Harajaon ni Debata?
Diboto Jesus do holan Harajaon ni Debata do na boi pasaehon hasusaan na adong di tano on. Aha do naung diulahon Harajaon i na boi paposhon rohatta?
