Job 7:1-21
7 ”¿Janit aka oraqen mä jiwir jaqen vidapajj mä obligat trabajor uñtasitäki?
¿Janit urunakapajj mä contratat trabajadoran urunakapjamäki?+
2 Mä esclavor uñtataw jupajj chʼiwirtʼasiñ wal muni,mä contratat trabajadorar uñtataw pagop suyaraki.+
3 Jakañ vidajan phajjsinakapajj inamayakiwa,walja arumanakarakiw wal tʼaqesta.+
4 Ikiñar mantjjta ukhasti, ‘¿kunapacharak sartjjä?’+ sasaw jisktʼasta.
Ukampis arumajj wali jayäjjewa, willjtakamaw* uksar aksar jaqokipstarakta.
5 Jañchijajj laqʼokamakiwa, laqʼakamakirakiwa.+
Jañchijajj qarachkamakiwa, jenqʼechrantatarakiwa.+
6 Urunakajajj sawurin telarapjamaw jukʼamp ratuk saraski,+urunakajajj jan kuna suytʼañaniw tukusjjaraki.+
7 Amtapunim, vidajajj thayar uñtatawa,+nayranakajas janipuniw mayampis kusisiñ uñj-jjaniti.*
8 Nayar uñjkitu uka nayranakajj janiw jichhajj mayampis uñj-jjetaniti.
Nayranakamajj thaqetaniwa, ukampis nayajj chhaqtjjarakïwa.+
9 Kunjamtï mä qenayajj chhaqtaski, ratuk chhaqtjjaraki,ukhamaw Sepulturar* sarki ukajj jan kuttʼanjjeti.+
10 Janiw jupajj utapar mayamp kuttʼkaniti,janirakiw lugarapankir jaqenakas jupat amtasjjapjjaniti.+
11 Ukhamajj janiw nayajj parlañatak lak lluptʼaskäti.
¡Chuymajan llakisitanakap parlaskakïwa!
¡Wali llakitäsaw nayajj quejasëjja!+
12 ¿Nayajj lamar qotätti, jan ukajj lamar qotankir mä jachʼa animalätcha,ukhamat nayatak mä guardia uchañamataki?
13 Kunapachatï nayajj ‘ikiñajaw chuymachtʼitani,ikiñajaw tʼaqesiñajan yanaptʼarakitani’ sasin sista ukhajja,
14 jumajj samkanakampiw wal ajjsarayistajja,visionanakampiw wal sustjarakistajja.
15 Ukatwa nayajj saman llupjatäsin jiwañ munirista,jïsa, aka cuerpojat* sipans jiwjjañak munirista.+
16 Nayajj walpun vidajar uñista,+ janiw jukʼamp jakañ munjjti.
Sapak jaytita, urunakajajj samanar uñtatakiwa.+
17 ¿Kunarak jiwir jaqejj jupat llakisiñamatakisti?
¿Kunarak jiwir jaqejj jupat amtasiñamatakisti?+
18 ¿Kunatsa jupar sapa alwa uñakipta?
¿Kunatsa juparojj sapa rato yantʼarakta?+
19 Mirä amp suma, jan uñchʼukjjestati.
¿Janit thusunqallaj* mallintañatakis tiemp churkitäta?+
20 Nayatï juch lurstjja, jaqenakar jakʼat uñjiri+ juma Diosarojj ¿kunjamarak usuchjirismasti?
¿Kunatsa nayamp katjasta?
¿Jumatakejj mä jathi qʼepïtti?
21 ¿Kunatsa juchaj jan perdonista?
¿Kunatsa pantjasitaj jan disculptʼista?
Nayajj niyaw jiwjjäjja, laqʼaruw kuttʼjjarakï.+
Jumajj thaqetätawa, ukampis nayajj chhaqatäjjäwa”.
