Job 19:1-29
19 Job chachajj akham sasaw sarakïna:
2 “¿Kunapachkamas jumanakajj jan waltʼayapjjetäta?+
Ukham parlasajj chuym ustʼayapjjestajja.+
3 Jumanakajj tunka kutiw nayar toqenoqapjjestajja.*
Jan phenqʼanirakiw jan sinttʼasis toqepjjestajja.+
4 Nayatï cheqpachapun pantjastjja,pantjasitajajj nayampïskiwa.
5 Jumanakatï nayat sipans jukʼamp sumäpkasmas ukhampun uñjayasiñ munapjjsta,nayar toqeñajj walikïkaspas ukham sapjjaraksta ukhajja,
6 jumanakajj yatipjjam, Diosaw nayarojj engañjitu,jupaw nayarojj katjañatak qänapamp* katuntitu.
7 ‘¡Usuchjatätwa!’ sasaw nayajj arnaqasiskta, ukampis janiw khitis jayskituti,+yanaptʼayasiñatakejj arnaqasiskaktwa, ukampis janiw cheqapar uñjañajj utjkiti.+
8 Jupajj qalanakamp lurat mä perqampiw thakij jarkʼanti, janirakiw pasirjamäkti.
Jupajj chʼamakampiw thakinakaj phoqanti.+
9 Jupajj nayan jachʼañchäwij apaqetu,pʼeqejankir coronsa apaqarakituwa.
10 Jupajj chhaqtañajkamaw qʼal tukjitu,mä qoqar* uñtataw suytʼäwij saphitpach jikʼsuraki.
11 Jupajj walpun naya contrajj colerasi,enemigoparjamaw uñjarakitu.+
12 Jupan tropanakapajj mä juntuk jutasaw nayar muyuntapjjetu,carpajar muytataw campamentop saytʼayasipjjaraki.
13 Nayan pachpa jilanakajaruw jupajj nayat jayarstʼayi,khitinakatï uñtʼapkitu ukanakas nayat jitheqtjjapjjetuwa.+
14 Nayan amigonakajajj* sarjjapjjewa.
Khitinakarutï nayajj sum uñtʼkayäta ukanakajj nayat armasjjapjjewa.+
15 Utajar invitatanakasa+ esclavanakajasa, nayarojj jan uñtʼat jaqerjamaw uñjapjjetu.
Jupanakan nayranakapatakejj mä extranjero jaqëtwa.
16 Nayajj servirijaruw jawsta, ukampis jupajj janiw jayskituti,nayat sinttʼasiñapatakiw juparojj lakajamp wal ruwtʼasta.
17 Warmijatakejj samanajajj wali ajjtaskañawa,+nayan pachpa jilanakajatakis wali ajjtaskañaw thujsarakta.
18 Wawanakas jiskʼachapjjetuwa,ukhaw nayajj sartaskta, jupanakasti nayat sawkasiñ qalltapjje.
19 Wali suma amigonakajas taqeniw nayat ajjtasipjjetu,+khitinakarutï nayajj munaskayäta ukanakajj naya conträjjapjjewa.+
20 Nayan cuerpojajj jañchi lipʼichimpi chʼakhampikëjjewa,+pinapuniw nayajj jiwañat escapaskta.
21 Amigonakaja, nayat sinttʼasipjjakitaya, nayat khuyaptʼayasipjjakitaya,Diosan pachpa amparapaw nayarojj llamktʼitu.+
22 ¿Kunatsa jumanakajj kunjamtï Diosajj lurki ukham arknaqasipkakista?+
¿Jan samartʼasapunit jumanakajj nayar tʼaqesiyapjjetäta?+
23 ¡Arunakajajj qellqatakïspa!
¡Arunakajajj mä libron qellqatakïspa!
24 Jan ukajj ¡arunakajajj wiñayatak mä qarqar* leqʼsutakïspa,hierrot lurat cincelampi plomo sat metalampi!
25 Nayasti mä salvirijan*+ utjatap yattwa,jupasti qhepatwa jutasin oraqpachjjar* saytʼasini.
26 Jañchi lipʼichijajj akham qʼala tukjatäjjani uka qhepatsti,jañchinïkasajj Diosaruw uñjäjja.
27 Naya pachpaw juparojj uñjäjja,nayan nayranakajaw uñjani, janiw yaqhan nayranakapajja.+
¡Ukampis naya manqhan wali llakitapuniw uñjasta!*
28 ‘¿Kunjamarak jumar arknaqapjjsmasti?’+ sasaw sapjjtajja,nayas taqe kunat juchanïkirista ukhama.
29 Jumanakaw espadarojj ajjsarapjjañama,+kuna laykutejj pantjasipki ukanakaruw espadajj castigui.
Jumanakajj mä juezan utjatap yatipjjañamawa”.+
Notanaka
^ Jan ukajja, “insultapjjestajja”.
^ Jan ukajja, “redepamp”.
^ Jan ukajja, “arbolar”.
^ Jan ukajja, “familiaranakajajj”.
^ Variante: “jaqher”.
^ Jan ukajja, “mayamp alirijan”.
^ Hebreo arunjja, “laqʼjjar”.
^ Jan ukajja, “Riñonanakajaw naya manqhan jan waltʼjjeti”.
