Job 39:1-30
39 ”¿Kunapachas qollunkir cabranakajj wawachasipjje uk yattati?+
¿Venadonakarojj* qallunakap wawachasir uñjirïtati?+
2 ¿Qhawqha phajjsinakas qallunakapajj purakapanki uk jaktʼtati?
¿Kunapachas wawachasipjjani uk yattati?
3 Jupanakajj kʼumtʼasaw qallunakap wawachasipjje,wawachasiñatak tʼaqesitapajj ukharuw tukusjjaraki.
4 Qallunakapajj wali chʼamaniruw tukupjje, pampanwa jilsupjjaraki.
Ukatsti sarjjasajj janirakiw jupanakan ukarojj kuttʼanjjapjjeti.
5 ¿Khitis salvaje asnorojj antuti?+
¿Khitis salvaje asnon thuru pitanakap* jarari?
6 Nayaw jupan utapäñapatakejj chʼusa pampa lurarapta,nayaw jupan jakañapatakejj jayukʼar oraq lurarapta.
7 Salvaje asnojj markan ojjotaparojj* jiskʼachiwa,janirakiw animalanakar trabajiyki ukan arnaqasitanakap istʼkiti.
8 Jupajj pastonak thaqasaw jiskʼa qollunakan muynaqe,kunayman chʼojjña alinak thaqasa.
9 ¿Mä salvaje torojj jumar serviñ munaniti?+
¿Establomancha* arumajj ikini?
10 ¿Thuru pitanakampi* chinuntasat mä salvaje tororojj sukanak lurayasisma?
Jan ukajj ¿jumampich vallerojj qhollir sarani?
11 ¿Jupan wali chʼamanïtaparut confiyasïta,chʼama tukuñ trabajonakti lurarapïtam?
12 ¿Jupat jumatakejj cosecham* apthapirapïtam,grano takiyañ cheqarut apthapirapïtam?
13 Avestruz sat jamachʼejj kusisitaw chheqanakap jawqʼarasi,ukampirus ¿chheqanakapas phuyunakapas cigüeña sat jamachʼinkirimpejj igualayasispati?+
14 Jupasti pamparuw kʼawnanakap apanuku,juntʼukïpjjañapatakejj chʼallaruw ucharaki.
15 Jupajj kʼawnanakapan jaqenakamp takjjatatäñaps armasiwa,jan ukajj mä salvaje animalamp takichatäñaps armasirakiwa.
16 Wawanakaparojj jan sinttʼasiñampiw uñji, janis jupan wawanakapäkaspa ukhama,+jupajj janiw inamay chʼama tukutapat ajjsarayaskiti.
17 Kuna laykutejj Diosaw juparojj yatiñ jan churkiti,*janirakiw amuytʼasirïñs churkiti.
18 Ukampirus kunapachatï sartasajj chheqanakap jawqʼarasi ukhajja,caballotsa caballot sarir jaqetsa wal larusi.
19 ¿Jumat caballorojj chʼamap churta?+
¿Jumat kunkaparojj thayamp onoqeyat chʼaskampi isthapiyta?
20 ¿Juparojj langostanakarjamat* thoqtayasma?
Jupan musparkañ wali chʼamampi samsutapajj wali ajjsarkañawa.+
21 Jupajj vallenwa kayunakap takirasi, chʼamampiw thoqtaraki,+nuwasiñatakiw thoqsuraki.*+
22 Jupajj ajjsarayasiñat larusiwa, janirakiw juparojj kunas sustjkiti.+
Janiw jupajj mä espada kawsajj qhepar kuttʼkiti.
23 Flechanak uchañ bolsajj jupjjanwa thalasiraki.
Lanzas jiskʼa lanzas llijtarakiwa.
24 Jan inaktʼirjam thalasisaw nayraqatar sari,janirakiw pututun suynatapatakejj aleqtʼañ puedkiti.*
25 Pututun phustʼasitaparojj warartatiwa.*
Jupajj jayatpach guerran nuwasiñ muktʼi,comandantenakan jachʼat arnaqasitanakapsa guerrasiñatak arnaqasitanaksa istʼarakiwa.+
26 ¿Jumat halcón jamachʼirojj jalañ yatichta?
¿Jumat aynach toqer* jalañ yatichta?
27 Jan ukajj ¿juman ordenatach pakajj wali altor jalkati,+tapaps wali alto cheqar lurasiraki?+
28 Arumarusti jupajj mä barranconwa iki,mä jachʼa qarqanwa* jarkʼaqasiñ lugarapan jaki.
29 Uka cheqatwa jupajj manqʼañ thaqe,+nayranakapajj wali jayaruw uñjaraki.
30 Chhiwchhinakapajj wil juchhapjje,pakajj kawkjantï jiwatanakajj utjki uka cheqankarakiwa”.+
Notanaka
^ Jan ukajja, “Tarujanakarojj”. Ukajja, qachu venadotwa parlaski.
^ Variante: “lankhu kawuyanakap”.
^ Variante: “chʼajjwataparojj”.
^ Jan ukajja, “Uywa liwañamancha”.
^ Variante: “Lankhu kawuyanakampi”.
^ Hebreo arunjja, “jatham”.
^ Hebreo arunjja, “yatiñ armasiyi”.
^ Hebreo arunjja, “armamentonakan ukaruw misturaki”.
^ Ukajja, “janirakiw pututun suynataparojj creykiti” sasaw jaqokipasirakispa.
^ Hebreo arunjja, “¡Ajá! sarakiwa”.
^ Jan ukajja, “sur toqer”.
^ Variante: “jaqhenwa”.
