Lu Biblia ná cadi ti lugar si nga chigaca Armagedón, sínuque lu guidubi Guidxilayú. Ne laani nga guerra ra chigucaalú Dios guiráʼ ca gobiernu ni nuu lu guidubi Guidxilayú.

•   Ne biʼniʼ reunírcabe ca rey que ti lugar ni rábicabe Armagedón lu diidxaʼ hebreu» (Apocalipsis 16:14, 16).

 Diidxa’ Armagedón ca zeeda ni de ti diidxa’ hebreu Har Meghiddóhn, ni raca significar «dani sti’ Meguidó». Guca Meguidó tobi de ca guidxi ni guyuu lu territorio sti’ Israel de dxiqué. Nga runi stale tu riní’ ique ndaani’ guidxi Israel nga chigaca Armagedón ca. Peru nin Meguidó, ne ninru’ sti lugar ni riaana ladu oeste sti’ Asia (Oriente Próximo) cadi naro’ba’ di’ ca ni para ganda gaca reunir guirá’ «ca rey nuu lu guidubi guidxilayú» ne ejércitu stica’.

 Libru sti’ Apocalipsis gucuá ni «pur mediu de caadxi señal», zanda guininu riquiiñe’ ni diidxa’ simbólicu (Apocalipsis 1:1). Nga runi, cadi naca di’ Armagedón ca ti lugar ni nuu lu Guidxilayú, sínuque laani nga ra guidagulisaa guirá’ ca nación ni nuu lu Guidxilayú ri’ para gucaaluca’ gobiernu sti’ Dios lu ti guerra final (Apocalipsis 19:11-16, 19-21).