Biiyaʼ guiraʼ ni nuu lu sitiu riʼ

guyé lu índice

 TEMA STIʼ PORTADA | ÑEE RACANÉ ORACIÓN BINNI LA?

Xiñee runi orar binni

Xiñee runi orar binni

«Nabé riuuladxeʼ guneʼ apostar. Runeʼ orar ti ganda guneʼ ganar bidxichi, peru qué ñuu dxi ñapaʼ ni.» (Samuel, * Kenia)

«Ra scuela biziideʼ guneʼ caadxi oración de memoria.» (Teresa, Filipinas)

«Runeʼ orar ora napaʼ guendanagana, para guinabaʼ gutiidilaʼdxiʼ Dios donda stinneʼ ne para guneʼ ni jneza.» (Magdalene, Ghana)

Ni bizeeteʼ Samuel, Teresa ne Magdalene ruluíʼ cani gadxé gadxé nga ni rucaa binni guni orar, nuu tiru galán cani ne nuu tiru coʼ. Nuu binni rinabaʼ ni nuu ndaaniʼ ladxidóʼ ne xcaadxi ngueca ca ngueca riniʼcaʼ. Nuu tu laa runi orar para tiidiʼ ti examen, guni ganar equipu stiʼ, chuʼ binnilidxi nazaaca o pur sti cosa, guiráʼ ca ndiʼ rusihuinni cani nuu xi rucaa millón de binni guni orar. Caadxi encuesta rusihuinni dede ca binni ni qué gapa ti religión runi orar.

Lii yaʼ, ñee runi orarluʼ la? Pa ruʼnuʼ ni, xi rinábaluʼ yaʼ. Pa maʼ biaaluʼ guni orarluʼ o coʼ, zándaca guiníʼ íqueluʼ: Ñee zacané ni naa la? Ñee nuu tu rucaadiaga la? Ti escritor guníʼ zeeda gaca oración casi «ti terapia [...;] casi ñaca ñápaluʼ ti benda ne niníʼneluʼ laa». Caadxi doctor ruuyacaʼ oración casi sti «medicina ni zanda gacané binni». Lii xi rábiluʼ yaʼ. Ñee raʼbuʼ runi orar binni pur si maʼ biaa guni ni la? o raʼbuʼ runi cani para guni sentircaʼ galán.

Cadi nga diʼ nga ni rusiidiʼ Biblia. Cadi para guni sentir si binni galán nga runi orar. Rusiene ni nuu tu rucaadiaga oración stinu ora gácani jneza ne guinábanu ni jneza. Ñee dxandíʼ nga la? Guidúʼyanu caadxi razón.

^ párrafo 3 Bidxaa lá chupa chonna de laacabe.