你​有​冇​仔細​讀​過​最近​幾​期《守望台》嘅​内容​呢？睇​吓​答​唔​答​到​以下​嘅​問題:

收​到​嚟​自​上帝​組織​嘅​指引​時，分區​監督、會衆​嘅​長老​同​其他​弟兄​應該​有​點樣​嘅​態度​呢？

佢哋​應該​馬上​按照​指引​去​做。佢哋​可以​問​吓​自己:“我​有​冇​盡力​幫助​其他​人​忠於​耶和華？我​有​冇​即刻​接受​或者​支持​帶頭​弟兄​提​出​嘅​指引？”——《守》16．11​刊​11​頁

上帝​嘅​子民​幾時​淪​為​大巴比倫​嘅​俘虜？

呢​件​事​發生​喺​使徒​去世​之後。當時，教士​階級​開始​出現。教會​同​統治者​互相​勾結，推廣​變​咗​質​嘅​基督教，阻止​受膏​基督徒​傳講​聖經​信息。呢啲​受膏​基督徒​就​係​耶穌​比喻​裏面​講​嘅​小麥，喺​1914​年​之前​幾十​年，佢哋​開始​擺脱​大巴比倫​嘅​奴役。——《守》16．11​刊​23-25​頁

點解​勒菲弗爾​·​戴塔普爾​嘅​工作​影響​深遠？

喺​16​世紀​20​年代，勒菲弗爾​為咗​令​當時​嘅​平民​百姓​可以​睇​得​明​聖經，於是​將​聖經​翻譯​成​法語。佢​解釋​經文​嘅​方法，啟發​咗​聖經​譯者​馬丁·路德、威廉​·​廷德爾​同埋​約翰​·​加爾文。——《守​衆》16．6​期​10-12​頁

“思想​只顧​順應​肉體”同埋“思想​總​係​順應​聖靈”有​乜嘢​分别？（羅馬書​8:6）

思想​只顧​順應​肉體​嘅​人​受​肉體​嘅​慾望​支配，無論​係​性​有關​嘅​事​抑或​係​其他​事，都​順​住​心​入面​嘅​渴求​同​傾向​嚟​生活。思想​總​係​順應​聖靈​嘅​人，會​以​上帝​同​上帝​嘅​觀點​為​生活​嘅​重心；噉樣​嘅​基督徒​係​受​聖靈​指引​嘅。前者​最終​必定​死亡，後者​一定​會​得到​生命​同​平安。——《守》16．12​刊​15-17​頁

有​乜嘢​好​方法​可以​減輕​憂慮？

做事​定​下​先後​次序；期望​要​合理；每​日​安排​時間​靜​一​靜；欣賞​大自然；保持​幽默；定期​運動；睡眠​充足。——《守》16．12​刊​22-23​頁

聖經​講​以諾“被​移​走”結果“不​見​死亡”。（希伯來書​11:5）呢​句​話​應該​點樣​理解？

睇​嚟​可以​理解​為，耶和華​令​以諾​喺​不知不覺​中​安然​死​去。——《守​衆》17．1​期​12-13​頁

點解​為​人​謙遜​好​重要？

為人​謙遜​係​指​對​自己​有​合理​嘅​睇法，清楚​知道​自己​嘅​能力​限度。我哋​要​留意，自己​嘅​行為​會​點樣​影響​其他​人，同時​唔​會​自視​過​高​或者​睇​小​自己。——《守》17．1​刊​18​頁

有​咩​證據​表明​上帝​指引​公元​1​世紀​嘅​中央長老團，就​好似​佢​指引​今日​嘅​中央長老團​成員​一樣？

通過​聖靈​嘅​幫助​明白​聖經​真理；得到​天使​嘅​協助​督導​傳道​工作；按照​上帝​嘅​話語​提​出​指引。今日​都​係​一樣。——《守》17．2​刊​26-28​頁

有​乜嘢​因素​表明​贖價​好​寶貴？

因素​有​四​個:贖價​嘅​來源；提供​贖價​嘅​原因；獻​出​贖價​嘅​代價；同埋​贖價​滿足​到​人​真正​嘅​需要。我哋​應該​沉思​呢啲​原因。——《守​衆》17．2​期​4-6​頁

基督徒​做​咗​決定​之後，可唔可以​改變​主意？

我哋​應該​話​一​就​一，話​二​就​二。但係，有​一啲​決定​應該​重新​考慮。耶和華​睇​到​尼尼微人​悔改​之後，佢​就​改變​咗​原先​嘅​決定。有時​因為​某​啲​情況​改變​咗，或者​對​事情​有​咗​更​全面​嘅​了解，我哋​就​要​作出​調整。——《守》17．3​刊​16-17​頁

點解​散播​有​害​嘅​閒話​好​危險？

因為​噉樣​做​只​會​令​事情​越​來​越​麻煩，一發​不可收拾。無論​有​咩​理由​都​好，我哋​散播​有​害​嘅​閒話​係​改善​唔​到​情況​嘅。——《守》17．4​刊​21​頁