羅馬書 8:1-39
8 所以 ，同 基督 耶穌 聯合 嘅 人 ，就 唔 係 被 定罪 嘅 人 嘞 。
2 神聖力量 令 人 享有 同 基督 耶穌 聯合 嘅 生命 ，神聖力量 嘅 法律 *釋放 咗 你 ，令 你 擺脫 罪 同 死 嘅 法律 。
3 由於 血肉之軀 唔 完美 ，唔 能夠 完全 按照 摩西 法典 去 做 ，所以 摩西 法典 唔 能夠 徹底 除罪 *。於是 上帝 派 自己 個 仔 嚟到 地上 ，令 佢 成為 人 嘅 模樣 *，將 罪 除去 。上帝 噉樣 做 ，就係 對 血肉之軀 所 犯 嘅 罪 作出 不利 嘅 判決 。
4 噉 係 要 令 我哋 可以 符合 法典 嘅 正義 要求 。所以 ，我哋 行事 為人 唔會 順應 罪性 *，而 係 會 順應 神聖力量 。
5 順應 罪性 去 生活 嘅 人 ，思想 幾時 都 順應 罪性 ；順應 神聖力量 生活 嘅 人 ，思想 幾時 都 順應 神聖力量 。
6 思想 幾時 都 順應 罪性 ，就 會 帶 嚟 死亡 ；思想 幾時 都 順應 神聖力量 ，就 會 帶 嚟 生命 同 安寧 *。
7 因為 思想 幾時 都 順應 罪性 ，就 會 同 上帝 敵對 ，唔 服從 上帝 嘅 法律 ，其實 亦 都 服從 唔 到 。
8 由此可見 ，順從 罪性 嘅 人 唔 能夠 令 上帝 喜悅 。
9 不過 ，如果 上帝 嘅 神聖力量 *留 喺 你哋 裡面 ，你哋 就 唔 係 順從 罪性 ，而 係 順從 神聖力量 。人 如果 冇 基督 嘅 精神 *，就 唔 係 屬於 基督 嘞 。
10 不過 ，如果 基督 同 你哋 聯合 ，即使 你哋 嘅 身體 會 因為 罪 而 死亡 ，神聖力量 *都 會 因為 你哋 正義 而 俾 生命 你哋 。
11 上帝 嘅 神聖力量 令 耶穌 死而復生 ，如果 佢 嘅 力量 留 喺 你哋 裡面 ，噉 呢 位 令 基督 耶穌 死而復生 嘅 上帝 ，都 會 通過 佢 喺 你哋 裡面 嘅 神聖力量 ，令 你哋 必死 嘅 身體 有 生命 。
12 所以 ，各位 弟兄 ，我哋 冇 義務 順應 罪性 去 生活 。
13 如果 你哋 順應 罪性 去 生活 ，就 一定 會 死 ，但係 如果 憑 住 神聖力量 處死 腐敗 嘅 行為 *，就 會 存活 。
14 所有 受 上帝 神聖力量 引導 嘅 人 ，都 係 上帝 嘅 仔女 。
15 你哋 得到 嘅 神聖力量 ，冇 令 你哋 做 奴隸 ，反而 令 你哋 唔 再 驚 ，呢 股 神聖力量 亦 都 令 你哋 被 上帝 收養 ，成為 佢 嘅 仔女 。神聖力量 推動 我哋 呼喚 ：「阿爸 ，爸爸 ！」
16 神聖力量 *本身 同 我哋 嘅 心 *一齊 作證 ，表明 我哋 係 上帝 嘅 仔女 。
17 我哋 既然 係 上帝 嘅 仔女 ，就 即係 話 我哋 可以 承受 上帝 嘅 產業 ，而且 可以 同 基督 一齊 承受 產業 。不過 ，我哋 要 同 基督 一齊 受苦 ，先至 可以 同 佢 一齊 得到 榮耀 。
18 我 認為 ，比 起 將來 會 喺 我哋 身上 顯露 嘅 榮耀 ，目前 嘅 苦難 根本 微不足道 。
19 受造 眾生 都 熱切 等待 緊 上帝 嘅 眾子 顯露 出嚟 。
20 因為 受造 眾生 都 受制 於 徒勞無功 嘅 情況 。呢個 唔 係 佢哋 自願 嘅 ，而 係 上帝 容許 嘅 。佢 俾 眾生 受制 於 呢 種 情況 ，但係 同時 賜 希望 俾 人 *。
21 呢個 希望 就係 ，受造 眾生 會 獲得 釋放 ，唔 再 好似 奴隸 噉 受制 於 會 朽壞 嘅 身體 ，可以 享有 上帝 兒女 榮耀 嘅 自由 。
22 我哋 知道 ，受造 眾生 全部 都 一齊 痛苦 呻吟 ，直到 而家 。
23 唔單止 噉 ，雖然 我哋 有 神聖力量 呢個 最早 嘅 收成 *，不過 都 內心 悲嘆 ，熱切 等待 被 上帝 收養 ，憑 住 贖價 獲得 釋放 ，脫離 身體 。
24 上帝 將 我哋 從 罪 當中 釋放 出嚟 ，我哋 已經 得到 呢個 希望 。不過 ，如果 人 見 到 希望 實現 ，噉 呢個 就 唔 再 係 希望 嘞 。佢 已經 見 到 希望 實現 ，仲 需要 希望 咩 ？
25 如果 我哋 仲 未 見 到 希望 實現 ，就 會 保持 忍耐 ，一直 熱切 等待 。
26 另外 ，我哋 軟弱 嘅 時候 ，神聖力量 都 會 幫助 我哋 。有時 我哋 需要 禱告 ，不過 唔 知道 應該 求 乜嘢 ，喺 心 入面 嘆息 ，唔 知 點 講 好 ，神聖力量 就 會 為 我哋 祈求 。
27 細察 人心 嘅 上帝 明白 神聖力量 顯示 嘅 意思 ，因為 神聖力量 係 按照 上帝 嘅 旨意 為 聖民 祈求 嘅 。
28 我哋 知道 ，上帝 令 佢 做 嘅 所有 事 互相 配合 ，係 為咗 愛 佢 嘅 人 好 ，即係 為 按照 佢 嘅 旨意 受 呼召 嘅 人 好 。
29 上帝 從 最初 就 認識 嗰啲 佢 會 揀選 嘅 人 ，亦 都 決定 *將 佢哋 塑造 成 佢 個 仔 *嘅 形象 。就係 噉 ，佢 個 仔 喺 好 多 弟兄 當中 成為 長子 *。
30 上帝 預先 揀選 *咗 嘅 ，係 佢 已經 呼召 嘅 人 ；佢 呼召 嘅 ，係 已經 被 佢 稱義 *嘅 人 ；被 佢 稱義 嘅 ，係 已經 得到 佢 賜予 榮耀 嘅 人 。
31 噉 關於 呢啲 事 ，我哋 想 講 嘅 係 乜嘢 呢 ？既然 上帝 支持 我哋 ，邊個 能夠 反對 我哋 呢 ？
32 上帝 連 自己 個 仔 都 冇 吝惜 ，反而 為 我哋 所有 人 犧牲 咗 佢 ，唔通 上帝 唔會 將 我哋 需要 嘅 一切 ，連同 個 仔 一齊 慷慨 噉 賜 俾 我哋 咩 ？
33 邊個 能夠 指控 上帝 揀選 嘅 人 呢 ？上帝 已經 將 佢哋 稱為 正義 嘅 人 *嘞 。
34 邊個 能夠 定 佢哋 嘅 罪 呢 ？基督 耶穌 已經 為 佢哋 而 死 ，而且 死而復生 ，喺 上帝 右邊 為 我哋 祈求 。
35 有 冇 任何 嘢 可以 隔絕 基督 對 我哋 嘅 愛 呢 ？唔通 係 患難 ？痛苦 ？迫害 ？飢餓 ？赤身 ？危險 ？刀劍 ？
36 聖經 話 ：「我哋 因為 你 嘅 緣故 ，終日 有 人 被 殺 ，好似 羊 俾 人 任意 宰割 。」
37 不過 ，喺 呢 一切 事 上 ，我哋 靠 住 愛 我哋 嘅 嗰位 ，而家 已經 大獲全勝 嘞 。
38 我 深信 ，無論 係 死 ，係 生 ，係 天使 ，係 政府 ，係 而家 嘅 事 ，係 將來 嘅 事 ，係 有 力量 嘅 ，
39 係 高處 *，係 深處 *，定係 任何 其他 受造物 ，都 唔 能夠 隔絕 上帝 對 我哋 嘅 愛 。呢 種 愛 係 通過 我哋 嘅 主 基督 耶穌 表現 出嚟 嘅 。
