Lilayika Gabuliyele ŵamtumile kwa jwamkongwe jwambone jwakolanjikwa Maliya. Jwalakwe ŵamsalile jwamkongwejo kuti cacikola mwanace jucacilamulila mpela mwenye mpaka kalakala. Mwanacejo Yesu, ŵapagwile mu licinga, muŵamsimene ŵakucinga. Kaneko acalume ŵakutyocela kungopoka lyuŵa jalongolele ndondwa kuŵaliji mwanace. Citummanye juŵatendekasisye kuti acalumewo ajiwone ndondwa, soni yayatendekwe kuti Yesu akulupuce paŵalingagalingaga kum’wulaga.

Kaneko, citum’wone Yesu ali akwete yaka 12 ali mkuŵeceta ni ŵakwiganya m’nyumba ja Mlungu. Pali papite yaka 18 Yesu ŵabatiswe, kaneko ŵatandite masengo gaŵamtumile Mlungu pacilambo capasi, gakulalicila ni kwiganya ya ucimwene. Yesu ŵasagwile acalume 12, kuti amkamucisye masengoga, soni ŵatesile kuŵa ŵandumetume ŵakwe.

Yesu ŵatesilesoni yakusimonjesya yejinji. Jwalakwe ŵalisisye ŵandu masausande gejinji ni tusomba twakuŵalanjika, soni tumitanda twamnono twa mkate. Ŵaposisye ŵakulwala, ŵajimwisyesoni ŵawe. Kumbesi, citulijiganye yindu yejinji yayamtendecele Yesu, palisiku lyakumalisya lya umi wakwe, soni mwaŵawilile. Yesu ŵalalicile kwa yaka yitatu ni litika, m’yoyo MBALI 6 jeleji jikutagulila yayatendekwe mu ndaŵi ja yaka yakupunda 34.