MBALI 5
Ukapolo ku Babelo Mpaka Kutaŵasoni Lutenje lwa Yelusalemu
Ayisalayeli paŵaliji mu ukapolo ku Babelo, cikulupi cawo calinjikwe m’matala gakulekanganalekangana. Sadilaki, Mesaki, ni Abedinego ŵaponyisye mu ng’asyo ja moto, nambo Mlungu ŵakopwesyemo ŵacijumi. Kaneko, Amedi ni Apelesi ŵawugomece msinda wa Babelo, Daniyele ŵamponyisye mu lisimbo lya masimba, soni Mlungu ŵamkulupwisye mwakugawugala masimba pakamwa.
Kumbesi kwakwe Kolesi mwenye jwa Apelesi ŵagopwele Ayisalayeli. Jemanjaji ŵawujilesoni kucilambo cakumangwawo yili yimasile yaka 70 cijawulile ku Babelo mpela acikapolo. Cindu candanda kutenda paŵawusile ku Yelusalemu caliji kutanda kutaŵa nyumba jakulambilila Yehofa. Nambope, mwacangakaŵa acimmagongo ŵawo ŵalekasisye masengogo. Sambano yili yimasile yaka ciŵandika 22 cityocele ku Babelo, akumalisya kutaŵa nyumba jakulambilila.
Kaneko, citulijiganye yakwamba ulendo uŵajesile Esala wa ku Yelusalemu kukusalalisya nyumba ja Mlungu. Yeleyi yatendekwe pali papite yaka 47 ali amalisisye kutaŵa nyumba ja Mlungu. Kaneko, pali papite yaka 13 Esala ali apite ku Yelusalemu, Nehemiya ŵakamucisye kutaŵasoni lutenje lwa Yelusalemu lwalwajonasice. Mbali 5 jikusala yayatendekwe mu yaka 152 kuyikanaga mpaka mu ndaŵi jetu jino.
MU MBALI AJI
NGANI 77
Jemanjaji Nganatindiŵala
Ana Mlungu ŵakulupwisye anyamata ŵatatu ŵakupikanilaŵa ku ng’asyo ja moto?
NGANI 79
Daniyele Mwisimbo lya Masimba
Daniyele akulamulidwa kuti awulajidwe, nambo ana akakombwele kuŵambala ciwaci?
NGANI 80
ŵandu ŵa Mlungu Akutyoka ku Babelo
Mwenye Kolesi jwa ku Pelesiya jwakwanilisye yakulocesya paŵagomece Ababelo, soni akukwanilisya yakulocesya yine
NGANI 81
Kulupilila Cikamucisyo ca Mlungu
Ayisalayeli akuleka kupikanila malamusi ga mundu ni cakulinga cakuti ampikanile Mlungu. Ana Mlungu ciŵape majali?
NGANI 82
Moledekayi ni Esitele
Fasiti jwaliji jwakusalala, nambope Mwenye Ahasiwelo ŵamsagwile Esitele kuŵa ŵamkwakwe ŵasambano m’malo mwa jwalakwe. Ligongo cici?
NGANI 83
Lutenje lwa Yelusalemu
Pakutaŵasoni lutenje, ŵakamula masengo ŵasosekwaga kujigalila cile maupanga ni mapanga gawo ndaŵi syosope cilo ni musi