BEEGOTTITE! Paydo 2 2018 | So asaa ufayssawu maaddiya 12 Zoriyaa
So Asaa Ufayssawu Maaddiya 12 Zoriyaa
Giiga xayida so asaabaa darobaa siyoos. SHin so asaa deꞌoy giiga gidanaadan maaddiyaabaa ane beꞌoos.
Amarkkan 1990 heeran paraman shaahettidaageetu qoodaa 2015 heeran paraman shaahettidaageetuura geeddarssiyo wode, layttay 50ppe bolla gidido asatu qooday naaꞌꞌu kushe; qassi layttay 65ppe bolla gidido asatu qooday heezzu kushe dariis.
Yelidaageeti metootidosona: Issi issi eranchchati naata ubbatoo sabbana bessees goosona; qassi harati naata xibbuwan tuccidi oyqqana bessees goosona.
Yelagati banttana danddayidi deꞌanawu maaddiya hiillaa tamaarennan gita gidoosona.
SHin . . .
Aqo deꞌoy ufayssiyaagaanne issippetettan adussa wodiyawu deꞌiyoogaa gidana danddayees.
Yelidaageeti bantta naata siiquwan seeriyoogaa meezetana bessees.
Yelagati gitatiyo wode banttana maaddiya hiillaa tamaarana danddayoosona.
Waatidi? Ha Beegottite! maxeetee so asaa ufayssawu maaddiya 12 zoriyaa yootees.
1: Murttiyoogaa
Aqo laggeti issippe deꞌanaadan maaddiya hara heezzubaa.
2: Hashetiyoogaa
Ne aqo laggiyaa issi keettan nenaara coo deꞌiya asadan xeellay?
3: Bonchchiyoogaa
Ne aqo laggee bonchchettidabadan qoppanaadan oottiya qaalatanne oosota shaakka era.
4: Atto Giyoogaa
Ne aqo laggiyaa balaa qorennaadan nena aybi maaddana danddayii?
5: Haasayiyoogaa
Intte naatuura dabbotaa minttanawu maaddiya heezzu waannabata.
6: Seeraa
Seeriyoogee naati banttanan ammanettiyoogaa agganaadan oottii?
7: Kandduwaa Maaraa
Intte intte naata tamaarissana bessiya maaray aybee?
8: Leemiso Gidiyoogaa
Intte yootiyoobaa intte naati siyanaadan koyikko, intte haasayay intte oosuwaara maayana bessees.
9: Oonatettaa
Yelagati bantta ammaniyoobawu waani exatana danddayiyoonaa?
10: Ammanettiyoogaa
Yelidaageeti ammanettiyo asa gidiyoogee wozannaama asa gidanawu keehi maaddiyaaba.
11: Minnidi Oottiyoogaa
Yelagatettan minni oottiyoogaa meezetiyoogee wodeppe oottiyo ubbaban neeni ayfanaadan maaddana.
12: Hoolliyaa
Hoolliyaa gakkiyoogee neeni kaseegaappe aaruwan nenan ammanettanaadan, laggetettaa minttanaadaaninne ufayttanaadan oottana danddayees.
So Asaa Maaddiya Harabaa
Geeshsha Maxaafaa zoree ne aqo deꞌoy ushachchanaadaaninne so asaa deꞌoy ufayssiyaagaa gidanaadan nena maaddana danddayees.
