Ha shaahoy, 80 gidiya layttan polettida, Kawuwaa Saaꞌoolanne Kawuwaa Daawita taarikiyaa yootees. Saaꞌooli koyro bana kawushshiyaanne Xoossawu yayyiya asa; shin i sohuwaara laamettidi, Yihoowawu azazettennan ixxiis. Yihoowi a aggidi, a sohuwan Israaꞌeelan kawotanaadan Daawita tiyana mala Sameelawu yootiis. Saaꞌooli qanaatidi Daawita woranawu darotoo maliis; shin Daawiti halo kiyibeenna. Saaꞌoola naꞌay Yonaataani Yihoowi Daawita dooridoogaa eriyo gishshawu, i Daawitawu ammanettiis. Daawiti gita nagaraa oottikkonne, Yihoowa seeraa ixxibeenna. Ne aawa woy aayo gidikko, Yihoowawunne i sunttidoogeetuyyo muletoo azazettana koshshiyoogaa ne naꞌay akeekanaadan maadda.