SHaaho 2 Erissuwaa
He wode deꞌiya alamiyaa xayssida bashshaa haattaa Yihoowi ehiidoy aybissee? Asi deꞌiyoogaa doommido heeran iitay loꞌꞌuwaara olettiyo olay denddiis. Addaamee, Hewaana, eta naꞌaa Qaayeelinne hara amarida asati iitaara hashetanawu dooridosona. Aabeelanne Nohe mala hara amaridaageeti qassi loꞌꞌuwaara hashetanawu dooridosona. Daro asay keehi iita gidiyo gishshawu Yihoowi he iita alamiyaa xayssiis. Nuuni hashetanawu dooriyoobaa Yihoowi beꞌiyoogaanne iitabay loꞌꞌobaa xoonanaadan i mule oottennaagaa nuuni eranaadan ha shaahoy maaddana.
HA SHAAHUWAN
TIMIRTTIYAA 3
Addaameenne Hewaana Xoossawu Azazettibookkona
Edene ataakiltte sohuwan issi mittaa teeraa dumma oottidabay aybee? Hewaana he mittaa teeraappe ayssi maadee?
TIMIRTTIYAA 4
Yiillotidi Woriis
Xoossay Aabeela yarshshuwaa ekkiis; shin Qaayeelaagaa ekkibeenna. Qaayeeli hegaa akeekidi keehi yiillotido gishshawu, iitabaa oottiis.
TIMIRTTIYAA 5
Nohe Markkabiyaa
Iita kiitanchati saꞌan maccaasaa ekkidi, yashissiya gita attuma naata yelidosona. Makkalay ubbasan deꞌees. SHin Nohe dumma—I Xoossaa siiqeesinne ayyo azazettees.
TIMIRTTIYAA 6
Hosppunati Attidi Ooratta Alamiyan Deꞌidosona
Bashshaa Haattay 40 gallassaanne 40 qammaa bukkiis. Noheenne a soo asay muleera markkabiyaa giddon issi layttappe daruwaa takkidosona. Wurssettan, eti kiyidosona.
