Maika 7:1-20
7 Okpetu rode kẹ vwẹ! Me pha kerẹ ohwoRọ ghwẹ emamọ rẹ ọke uvo kokoRo gbugbon ọke re vwo vun orhọ rẹ igrepu nu,Rọ mrẹ ekrun rẹ igrepu ree,Rọ je mrẹ ifigi rọ vware rẹ urhuru rọyen sio naa.
2 Ohwo rọ fuevun ghwọrọ nẹ akpọ na re;O vwo ohwo rọ dia ọvwata vwẹ usun rẹ ihworakpọọ.
Ayen ihwo eje hwa phiyọ rẹ ayen vwo ku ọbara kuotọ.
Ayen ọvuọvo reyọ obriki vwo muẹ oniọvo rọyen.
3 Ayen tẹn ona rẹ umiovwo;Osun nokpẹn rẹ erọnvwọn,Oguẹdjọ guọnọ osa,Ohwo ro titiri ta ọdavwẹ rọyen phia,Ayen de koko ruo.*
4 Ọ ro me yovwin vwẹ usun rayen pha kerẹ idjigbẹn,Ohwo rọ ma dia ọvwata vwẹ usun rayen bra nọ ogba rẹ idjigbẹn.
Ẹdẹ rẹ erhẹrotọ wẹn kugbe ẹdjọeguo wẹn cha rhe.
Asaọkiephana oshọ che mu ayen.
5 Wọ vwẹrosua ọrivẹ wẹẹnYẹrẹ vwẹrosua ugbeyan rọ kẹrẹ owẹẹ.
Nomaso kpahen oborẹ wọ ta vwọ kẹ ohwo ro sherhẹn kẹrẹ owẹ.
6 Kidie ọmọshare jẹ ọsẹ rọyen fia,Ọmọtẹ vrẹn vwọsua oni rọyen,Aye rẹ ọmọ vwọsua oni orọnvwe rọyen;Ihwo rẹ evwruwevwin robọ rẹ ohwo yen ọvweghrẹn rẹ ohwo.
7 Ẹkẹvuọvo vwọ kẹ vwẹ, mi che ni kiọkiọkiọ hẹrhẹ Jihova.
Me cha vwẹ erhiorin hẹrhẹ* Ọghẹnẹ rẹ esivwon mẹ.
Ọghẹnẹ mẹ che nyo vwe.
8 Wọ ghọghọ fiki mẹẹ, E ọvweghrẹn* mẹ.
Dede nẹ mi sheri, mi che vrẹn;Dede nẹ me dia ebri, Jihova cha dia elo mẹ.
9 Mi che chirakon rẹ ophu ọgangan ri Jihova—Kidie mi ru umwemwu vwọsuọ—Bẹsiẹ ro vwo guẹdjọ mẹ ji brorhiẹn ọsoso vwọ kẹ vwẹ.
Ọ cha reyọ ovwẹ rhe otafe vwọ rhe elo;Mi che ni ophiọnphiọn rọyen.
10 Ọvweghrẹn mẹ je cha mrẹ,Oma cha vo aye rọ ta kẹ vwẹ nẹ,
“Tivọ yen Jihova Ọghẹnẹ wẹn hepha?”
Mi che ni aye na.
Asaọkiephana e che chiyin aye na muotọ kerẹ ibehre vwevunrẹ irhuvwun na.
11 Ọ cha dia ẹdẹ ra vwọ bọn igbẹhẹ rẹ ukuta wẹn;Vwẹ ẹdẹ yena, e che ru ughwru na hẹrephiyọ.*
12 Vwẹ ẹdẹ yena, ayen che bru we rheVwo nẹ Asiria kugbe irere rẹ Ijipt,Vwo nẹ Ijipt rhirin re te Urhie na;*Vwo nẹ abadi re te abadi kugbe vwo nẹ ugbenu re te ugbenu.
13 Otọ na che hirhephiyọ ofefe fikirẹ ihwo re dia evun rọyen,Fikirẹ oborẹ ayen ruru.*
14 Vwẹ ọkpọ wẹn vwo sun ihwo wẹn, ichuru re dia uku wẹn,Rẹ ayen ọvo dia kpogono jovwo vwẹ egbo na—vwẹ ohri rẹ ogba ra kọn irhe re mọ emamọ phiyọ.
E jẹ ayen riemu ri Beshan kugbe Giliẹd kirobo rọ hepha vwẹ ọke awanre.
15 “Kerẹ ọke wo vwo vrẹn nẹ otọ rẹ Ijipt,Mi che dje iruo rẹ igbunu vwọ kẹ.
16 Ẹgborho cha mrẹ, oma je cha vo ayen dede nẹ ayen vwo ẹgba mamọ.
Ayen cha vwẹ obọ rayen vwo rhurhu unu rayen;Erhọ rayen che din.
17 Ayen cha rare ekpẹn kerẹ eredekọ;Ayen che nẹ asan ọgangan rayen rhe vẹ oshọ kerẹ eranvwe ri kpono vwẹ otọrakpọ na.
Ayen che bru Jihova Ọghẹnẹ rẹ avwanre rhe vẹ oshọ,Ayen cha djoshọ rọyen.”
18 Ono yen Ọghẹnẹ rọ họhọ owẹ,Rọ vwẹ oruchọ kugbe urhiẹchọ vwo ghovwo uchekotọ rẹ uku rọyen?
O che muophu rhirin bẹdẹẹ,Kidie o vwo omavwerhovwẹn kpahen ẹguọnọ ro jẹ rhẹriẹ.
19 Ọ cha rhoma gbe arodọnvwẹ kẹ avwanre; o che phi oruchọ rẹ avwanre kparobọ.*
Wo che do imwemwu rayen eje phiyọ ikokodo rẹ abadi na.
20 Wo che dje evun-ẹfuọn phia kẹ Jekọp,Wo che dje ẹguọnọ ro jẹ rhẹriẹ kẹ Ebraham,Kirobo ru wo duvwun iyorin rọyen kẹ esẹ rẹ avwanre ride vwo nẹ ọke awanre rhe.
Eta rehẹ obotọ na
^ Yẹrẹ “koko rhuon kugbe.”
^ Yẹrẹ “Mi che dje uruemu ra vwọ hẹrhẹ phia kpahen.”
^ Vwẹ Hibru, ota ra fan phiyọ “ọvweghrẹn” na ọyen ota re vwo ruiruo ọke ra da ta ota kpahen aye.
^ Yẹrẹ ọ sa dia, “urhi na cha dia shesheri.”
^ Kọyen, Yufretis na.
^ Vwẹ Hibru, “Fikirẹ omamọ rẹ irueru rẹ ayen.”
^ Yẹrẹ “o che chiyin oruchọ avwanre muotọ.”
