Maika 2:1-13
2 “Okpetu rode vwọ kẹ ihwo re jiroro rẹ umiovwo,Ihwo re jiroro rẹ umiovwo vwẹ ehwa rayen!
Ọke rẹ elo rẹ urhiọke da vwomaphia ayen mi ruo,Kidie ogangan na rhe ayen.
2 Ayen vwo urhurusivwe kpahan idju je reyọ ayen;Ayen ji vwo urhurusivwe kpahan iwevwin je reyọ ayen;Ayen vwẹ ọghware vwo mie ohwo uwevwin rọyen,Kugbe uku rọyen.
3 Ọtiọyena ọnana yen oborẹ Jihova tare:
‘Nighere, me jiroro rẹ okpetu rẹ wọ cha sa vabọ rọyeen* kpahan orua nana.
Wọ rha cha yan vẹ omaẹkparọọ, kidie ọyen ọke rẹ okpetu.
4 Vwẹ ẹdẹ yena ihwo cha reyọ owẹ vwo bru isẹ,Ayen che vwerhe oma gangan fiki wẹn.
Ayen cha ta: “A ghwọrọ avwanre karekare!
Ọ nẹrhẹ a reyọ ẹkẹn rẹ ihwo mẹ vwọ kẹ ihwo efa—ọ reyerọ mie vwe!
Ọ vwẹ etọ rẹ avwanre vwọ kẹ ohwo rọ fuevuun.”
5 Ọtiọyena wo che vwo ohwo vuọvo rọ cha riẹn ufi rẹ ovwanvwọ naa,Rọ cha ghare otọ vwẹ ọghwẹgbe ri Jihovaa.
6 Kẹ ayen tanẹ, “Ovwan rhe ghwoghwoo!Ofori nẹ ayen ghwoghwo erọnvwọn nanaa;Avwanre che rhiẹromrẹ ophọphọvwee!”
7 Diesorọ a vwọ tanẹ, E uwevwin ri Jekọp:
“Ẹwẹn ri Jihova rhe vwo erhiorin?
Enana iruo rọyen?”
Eta robọ mẹ rha ghwa erhuvwu rhe ihwo ri ruẹ obo re dia ọsoso?
8 Ẹkẹvuọvo vwẹ ọke ọvo rhire na, ihwo robọ mẹ vrẹnre kerẹ ọvweghrẹn.
Ovwan dia azagba da ghwiẹ erọnvwọn iyoyovwin ra vwọ sẹn kugbe ewunVwo nẹ oma rẹ ihwo ri fiudugberẹ wanvrẹ, kerẹ ihwo ri nẹ ofovwin cha.
9 Ovwan djẹ eya rẹ ihwo mẹ vwo nẹ iwevwin iyoyovwin rayen;Ovwan reyọ urinrin mẹ vwo mie emọ rayen rhirin bẹdẹ.
10 Ovwan vrẹn rere ovwan yanran, kidie etinẹ dia asan rẹ omaerovwoon.
Oghwọrọ, oghwọrọ ọgangan hẹ otọ na fikirẹ jẹfuọn.
11 Ọ da dianẹ ohwo yan nene odju kugbe ophiẹnvwe ro de gun efian nana nẹ,
“Mi che ghwoghwo kẹ ovwan kpahen iwaini kugbe udi ro muẹ ohwo,”
Kọyen cha ghwa dia oghwoghwota vwọ kẹ ihwo nana!
12 Vwọrẹ uyota, me cha ghwẹ ovwan eje koko, E Jekọp;Me cha ghwẹ ihwo rẹ Izrẹl ri chekọ koko.
Me cha ghwẹ ayen koko vwọrẹ okugbe kerẹ igodẹ vwevunrẹ urhuẹn,Kerẹ ichuru vwẹ asan rẹ ayen da ria odin;Ihwo ki che do yọghọyọghọ vwẹ evun rọyen.’
13 Ọ rọ fan idjerhe cha kobaro kẹ ayen;Ayen cha fan idjerhe, wan anurhoro na, ayen me je wan anurhoro na ro otafe.
Ovie rayen cha kobaro vwọ kẹ ayen,Jihova me rha dia ọgbuyovwin rayen.”
Eta rehẹ obotọ na
^ Vwẹ Hibru, “rẹ ovwan che se si ohọre nuu.”
