Maika 4:1-13
4 Vwẹ ẹbẹre rọ koba rẹ ẹdẹ na,*Ugbenu rẹ uwevwin ri JihovaChe kpenu nọ igbenu ri chekọ na, a cha reyọ vwo vi kokoroko,A cha kparọ kpenu vrẹ igbenu itete na,Evun rọyen kọyen ihwo che rhurie ra.
2 Ẹgborho buebun cha yanran je ta:
“Yanrhe, jẹ avwanre kpo ugbenu ri JihovaKugbe uwevwin rẹ Ọghẹnẹ ri Jekọp.
O che yono avwanre kpahen idjerhe rọyen,Avwanre cha yan vwevunrẹ ada rọyen.”
Kidie urhi* che nẹ Zayọn rhe,Ota ri Jihova mi rhe nẹ Jerusalẹm rhe.
3 O che guẹdjọ vwẹ ohri rẹ ihwo buebunỌ cha rhuẹrẹ erọnvwọn phiyọ* vwọ kẹ ẹgborho ride ri sherabọ.
Ayen che duvwun elọkọ rayen phiyọ erọnvwọn re vwo voro otọIshuẹ rayen phiyọ erọnvwọn re vwo brẹ abọ rẹ irhe.
Ẹgborho rha cha kpare ọlọkọ vwọso ẹgborhoo,Ayen rhe che yono obo re phiẹ ofovwin ọfaa.
4 Ayen ọvuọvo che chidia* otọ rẹ urhe rẹ ivaini rọyen kugbe urhe rẹ ifigi rọyen,O vwo ohwo vuọvo rọ cha djoshọ mu ayeen,Kidie Jihova rẹ otuofovwin na tarọ nure.
5 Kidie ihwo na eje cha yan vwẹ dohwo dodẹ rẹ ọghẹnẹ rọyen,Ẹkẹvuọvo avwanre cha yan vwẹ odẹ ri Jihova Ọghẹnẹ rẹ avwanre bẹdi bẹdẹ.
6 “Vwẹ ẹdẹ yena,” ọtiọyen Jihova tare,“Mi che koko ihwo re yan sẹghrẹ,Je ghwẹ ihwo re hrabọ koko,Ọtiọyen ji te ihwo ri mi gboja kẹ jovwo.
7 Me cha nẹrhẹ ihwo re sẹghrẹ owọ chekọ,Ihwo re mu kpo asan ri sherabọ me rha dia ẹgborho rode;Jihova che sun kerẹ ovie vwẹ enu rayen vwẹ Ugbenu ri Zayọn,Vwo nẹ ọke nana ra ro bẹdẹ.
8 Vwọ kẹ wẹ, E uwevwin ro kpenu rẹ uchuru na,Ugbenu otete rẹ ọmọtẹ ri Zayọn,Wẹwẹ yen o che bru rhe, e, uvie rẹsosuọ* na che bru we rhe,Uvie rẹ ọmọtẹ ri Jerusalẹm.
9 Diesorọ wo vwo kperẹ gangan asaọkiephana?
Wo vwo ovie?Gbanẹ obruche wẹn ghwure?Rọ nẹrhẹ wo rhiẹromrẹ ọmiaovwẹ kerẹ aye rọ chuvwiẹ?
10 Kini oma rere wo dirhivwẹn, E ọmọtẹ ri Zayọn,Kerẹ aye rọ chuvwiẹ,Kidie asaọkiephana wo che vrẹn nẹ orere na ra dia evunrẹ aghwa.
Wọ cha yanran rhirin re te Babilọn,Oboyin yen e de che sivwin uwe;Jihova cha dẹ wẹ rhivwin vwo nẹ obọ rẹ ivwighrẹn wẹn vwẹ oboyin.
11 Asaọkiephana ẹgborho buebun cha ghwomakoko vwọso owẹ;Ayen cha ta: ‘E jẹ e gbe ẹgua,E jẹ ẹro rẹ avwanre mrẹ nẹ ọnana phia kẹ Zayọn.’
12 Ẹkẹvuọvo ayen riẹn iroro ri Jihovaa,Ayen vwo ẹruọ rẹ ọhọre* rọyeen;Kidie ọ cha ghwẹ ayen koko kerẹ ekrun rẹ iwiti kpokpọ re ghwe bru nu obọ vwo kpo asan re de wonro ibi ekankọn.
13 Vrẹn rere wo wonro, E ọmọtẹ Zayọn;Kidie mi che wene idjo wẹn kpo utehru,Mi che wene ikawọ wẹn kpo ẹrovwo,Ku wọ cha lọ ihwo buebun vworovworo.
Wọ cha vwẹ erere rẹ ọghware rayen vwọ kpahotọ kẹ Jihova,Je vwẹ ekuakua rọyen vwọ kẹ Ọrovwori rẹ uyota rẹ otọrakpọ na eje.”
