Etambululo Liembimbiliya

 Ca sunguluka kokuetu oku kuata usumba wolofa, momo Embimbiliya li popia okuti, olofa unyãli wetu. (1 Va Korindo 15:26) Eli olio esunga lieci tu likolisililako oku teyuila omuenyo wetu. Pole, omo liovohembi kuenda ovihilahila, omanu vamue “va kala apika vokuenda kuomuenyo wavo wosi” omo liusumba woku fa. (Va Heveru 2:15) Oku kũlĩha ocili ci ka ku kuatisa oku yula usumba wolofa okuti, nda wa nyõla esanju liove lioku kala komuenyo.—Yoano 8:32.

Ocili catiamẽla kolofa

•   Vana va fa ka va kũlĩhĩle cimue. (Osamo 146:4) Ove ku sukila oku kuata usumba wokuti, o ka tala ohali ale oku kangisiwa noke lioku fa, momo Embimbiliya li sokisa oku fa lotulo.—Osamo 13:3; Yoano 11:11-14.

•   Vana va fa ka va pondola oku tu linga cimue cĩvi. Ndaño omanu vana okuti ologangala, va “ka puyuka pokati kava va fa.” (Olosapo 21:16) Embimbiliya li popia okuti, “esuvu liavo kuenda esepa liavo via nyõleha.”—Ukundi 9:6.

•   Olofa ka vi lomboloka esulilo liomuenyo wetu. Pocakati cepinduko, Suku o ka nena vali komuenyo vana va fa.—Yoano 5:28, 29; Ovilinga 24:15.

•   Suku o likuminya okuti, eteke limue “oku fa ka ku ka kalako vali.” (Esituluilo 21:4) Poku tukula catiemẽla kotembo yaco, Embimbiliya li popia ndoco: “Vakuesunga va ka piñala ilu lieve, kuenda va ka kalamo otembo ka yi pui” okuti, ka va ka kuatela vali usumba laumue olofa.—Osamo 37:29.