2018 чылдың январь 24-те, средада даң бажында, Каттышкан Штаттарның болгаш Канаданың Вефилдеринге: «Кеннет Кук Иегованың Херечилериниң Удуртукчу чөвүлелиниң чаа кежигүнү апарган» деп чугула чарлалды дыңнаткан.

Кук акыйның төрүттүнген болгаш өскен чери — Американың Пенсильвания штады. Ол школаны доозуп тургаш, алыс шынны чаңгысклассчызындан билип алган. 1980 чылдың июнь 7-де ол сугга суктуруп алган. А 1982 чылдың сентябрь 1-де Кук доктаамал эгелекчи апарган. Ийи чыл эрткенде, 1984 чылдың октябрь 12-де, ол Уолкиллге (Нью-Йорк штады) Вефилге бараалгап эгелээн.

Дараазында 25 чыл дургузунда Кеннет Кук акывыс типографияга болгаш Вефилдиң бюрозунга янзы-бүрү даалгаларны күүседип чораан. 1996 чылда ол Джеймиге өгленип алгаш, ооң-биле кады улаштыр Уолкиллдиң Вефилинге бараалгай берген. 2009 чылдың декабрьда оларны Паттерсонда (Нью-Йорк штады) Таңныыл суургазының Өөредилге төвүнче шилчидипкен. Аңаа Кук акывыс номчукчулар-биле харылзаа килдизинге ажылдай берген. А 2016 чылдың апрельде Куктар Уолкиллге түр када ажылдааш, Бруклинче (Нью-Йорк) чорупканнар. Беш ай болгаш, олар Уорвикте (Нью-Йорк штады) делегей чергелиг кол башкарылга черинче көже бергеннер. 2017 чылдың январьда Кук акывыс Удуртукчу чөвүлелдиң Бижилге килдизиниң дузалакчызы кылдыр томуйлаттынган.