Parau tohu 6. Pororaa na te ao nei
Parau tohu 6. Pororaa na te ao nei
“E parau-haere-hia te evanelia o te basileia nei e ati noa ˈˈe teie nei ao.”—MATAIO 24:14.
● Te ora nei Vaiatea i Tuamotu. Noa ˈtu e fatata e 80 motu to te Tuamotu i nia hau atu e 802 900 kilometera tuea, fatata 16 000 noa taata te ora ra i reira. Ua farereihia râ Vaiatea e to ˈna feia tapiri e te mau Ite no Iehova. No te aha? Te hinaaro nei hoi te mau Ite no Iehova e faaite i te parau apî maitai no nia i te Basileia o te Atua i te taata atoa i te mau vahi atoa.
TA TATOU E ITE NEI. Te porohia ra te poroi o te Basileia e ati aˈe te ao. I 2010 noa, ua poro te mau Ite no Iehova i te evanelia hau atu i te 1,6 miria hora i roto e 236 fenua. I nia i te hoê faito au noa, ua poro ïa te Ite taitahi e 30 minuti i te mahana hoê. I te mau matahiti i mairi, ua nenei, ua hamani e ua opere ratou hau atu i te 20 miria mauhaa no te haapii i te Bibilia.
TEI FAAROO-PINEPINE-HIA. E ere no teie nei te pororaahia te poroi o te Bibilia.
UA TANO ANEI TEI PARAUHIA? Parau mau, mea rahi tei poro i te tahi poroi Bibilia. Ua na reira râ te rahiraa no te hoê noa tau poto e i te tahi noa vahi. Area te mau Ite no Iehova, te farerei ra ratou e hanere mirioni taata maoti ta ratou pororaa faanaho-maitai-hia na te ao atoa nei. Ua na reira ratou ma te tuutuu ore noa ˈtu te patoiraa uˈana a te tahi mau faanahonahoraa aroha ore e puai roa ˈˈe o te tuatapaparaa. * (Mareko 13:13) Hau atu â, aita te mau Ite no Iehova e aufauhia no te poro. Te horoa nei râ ratou i to ratou taime e te pûpû nei i te mau papai ma te ore e titau i te moni. Na te mau ô horoa noa e turu ra i ta ratou ohipa.
EAHA TO OE MANAˈO? Te porohia ra anei “te evanelia o te basileia” na te ao atoa nei? Te horoa ra anei te tupuraa o teie parau tohu i te tiaturiraa e e tau maitai aˈe to mua noa mai?
[Nota i raro i te api]
^ No te ite hau atu â, a mataitai i na video e toru operehia e te mau Ite no Iehova: “Fidèles dans les épreuves,” “Les triangles violets” e “La fermeté des Témoins de Jéhovah face à la persécution nazie.”
[Parau iti faaôhia i te api 9]
“A faatia noa ˈi Iehova, e tamau tatou i te poro i te evanelia o te Basileia ma te itoito rahi, a faaohipa ˈi i te mau ravea atoa no te farerei i te taata.”—TA TATOU TAVINIRAA NO TE BASILEIA NO MATI 2010.