Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Ehia Ite no Iehova na te ao?

Ehia Ite no Iehova na te ao?

Numera o te matahiti taviniraa * 2015

Ite no Iehova na te ao

8 220 105

Amuiraa

118 016

Fenua i reira te mau Ite no Iehova e poro ai

240

Mea nafea outou ia taio i to outou mau mero?

E taiohia ei Ite no Iehova, te feia ana‘e o tei poro i te parau apî oaoa o te Faatereraa arii a te Atua i te mau ava‘e atoa. (Mataio 24:14) Tei roto atoa i tera numera te mau taata, bapetizohia ei Ite aore ra aita, o tei faaî i te mau titauraa no te poro.

E titauhia anei ia horoa i te moni no te riro ei Ite no Iehova?

Aita. Eita atoa e na reirahia no te fana‘o i te tahi noa ’‘e hopoia i roto i ta matou faanahonahoraa. (Ohipa 8:18-20) No te rahiraa o te mau ô, eita e itehia te i‘oa o te feia i horoa i te reira. Ia au i ta ratou i faaoti e to ratou tupuraa, e horoa te mau Ite atoa i to ratou taime, puai e ta ratou faufaa no ta matou ohipa na te ao.—Korinetia 2, 9:7.

Mea nafea outou ia ite ehia tei poro?

I te mau ava‘e atoa, e faaite te mau Ite i ta ratou tapura ohipa i ta ratou amuiraa. Na te taata taitahi e faaite i ta ’na iho.

E patapatahia te mau tapura ohipa atoa a te amuiraa i roto i te matini roro uira, e haponohia te mau numera i te piha ohipa o to matou fenua. Na reira ’tu te mau numera i te faataehia i ta matou pu rahi.

I te mau hopea matahiti taviniraa * atoa, e itehia te numera rahi roa ’‘e o te mau Ite no Iehova i tera e tera fenua. E amuihia tera mau numera atoa no te ite ehia Ite no Iehova na te ao. E piahia te mau numera o te mau fenua atoa, na reira te mau faatiaraa no nia i te ohipa pororaa, i roto i te Buka matahiti a te mau Ite no Iehova. (Farani) Mai no te mau Kerisetiano matamua, e faaitoito tera mau numera ia matou.—Ohipa 2:41; 4:4; 15:3.

Ua taiohia anei te feia o te ore e poro ra, ua putuputu râ e outou?

Noa ’tu eita matou e taio ia ratou i roto i te mau numera o te mau Ite no Iehova, te oaoa nei matou i te farii i tera mau taata i te mau putuputuraa. E haere mai te rahiraa o ratou i te Oroa haamana‘oraa i te pohe o te Mesia o te tupu hoê taime i te matahiti. E itehia ehia o ratou tei tae i tera oroa ia tatarahia te numera o te mau Ite no Iehova. I 2015, 19 862 783 taata tei tae i te Oroa haamana‘oraa.

E rave rahi o te ore e haere i ta matou mau putuputuraa, o te fana‘o ra râ i te tahi haapiiraa Bibilia tamoni ore. I 2015, ua faaterehia 9 708 968 i te mau ava‘e atoa. I te tahi taime, e rave rau taata o te faatere i te haapiiraa Bibilia i te hoê â taime.

No te aha ua rahi a‘e te numera a te hau no nia i te mau Ite no Iehova i ta outou e faaite?

E pinepine te mau pu hi‘opoaraa numera a te hau i te horoa i te numera o te mau mero o te tahi haapaoraa ia au i ta te taata i pahono atu. Te faaite ra te pu hi‘opoaraa o te mau numera a te Hau Amui Marite, ua tamata ratou i “te ite ua niuhia anei te numera o te mau taata o te tahi haapaoraa i nia i te tupuraa mau, eiaha râ ia au i ta te taata e mana‘o ra.” Area matou, e taio ïa ei Ite no Iehova, te mau taata ana‘e o te poro ia vetahi ê e te faaite i ta ratou tapura ohipa, eiaha râ i nia i te rahiraa o te taata o tei parau e Ite no Iehova ratou.

^ par. 2 E haamata te matahiti taviniraa i te 1 no Tetepa e tae atu i 31 no Atete o te matahiti i muri a‘e. Ei hi‘oraa, ua haamata te matahiti taviniraa 2015 i te 1 no Tetepa 2014 e e hope i te 31 no Atete 2015.

^ par. 16 E haamata te matahiti taviniraa i te 1 no Tetepa e tae atu i 31 no Atete o te matahiti i muri a‘e. Ei hi‘oraa, ua haamata te matahiti taviniraa 2015 i te 1 no Tetepa 2014 e e hope i te 31 no Atete 2015.

No te ite atu â

Eaha te mau tiaturiraa a te mau Ite no Iehova?

A hi‘o na 15 o ta matou mau tiaturiraa.

E nafea te mau Ite no Iehova e faanaho ai i te pororaa?

E pee tatou i te hi‘oraa o Iesu a vai ai oia i te fenua nei. Eaha te tahi o teie mau huru pororaa?

Nafea te mau amuiraa a te mau Ite no Iehova e faanahohia ’i?

E ite oe e nafea matou e fana‘o ai i te aratairaa e haapiiraa maoti teie faanahoraa.