Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

E nafea ia riro ei Ite no Iehova?

E nafea ia riro ei Ite no Iehova?

I roto i te Mataio 28:19, 20, ua faataa Iesu eaha te mau titauraa no te riro ei Ite no Iehova. Ia au i tera nau irava, e itehia ïa eaha te tia ia rave no te riro ei pǐpǐ na te Mesia, e taata hoi tera o te faaite o vai o Iehova.

Te titauraa 1: A haapii i te Bibilia. Ua faaue Iesu i ta ’na mau pǐpǐ ia “faariro i te mau fenua atoa ei pǐpǐ . . . ma te haapii atu ia ratou.” (Mataio 28:19, 20) I roto i te reo tumu, te auraa mau o te parau “pǐpǐ,” o te hoê ïa taata o te haapii ra. Te faaite ra te Bibilia, te mau haapiiraa iho â râ a Iesu Mesia, eaha te titauhia ia rave no te ora ma te oaoa e te mauruuru mau. (Timoteo 2, 3:16, 17) Oaoa roa matou i te tauturu ia oe ia ite i ta te Bibilia e haapii ra na roto i ta matou ohipa haapiiraa Bibilia tamoni ore.—Mataio 10:7, 8; Tesalonia 1, 2:13.

Te titauraa 2: A faaohipa i ta oe e haapii. Ua parau Iesu e tia atoa ia “haapao i te mau mea atoa ta ’[na] i parau.” (Mataio 28:20) Eita ïa e navai noa ia haapii no te ite, e turai atoa râ te reira ia oe ia taui i to feruriraa e haerea. (Ohipa 10:42; Ephesia 4:22-29; Hebera 10:24, 25) I muri iho, na te taata iho e haapao ra i ta Iesu mau faaueraa e faaoti i te pee ia ’na ma te pûpû i to ’na ora i te Atua ra o Iehova.—Mataio 16:24.

Te titauraa 3: Ia bapetizohia oe. (Mataio 28:19) I roto i te Bibilia, ua faaauhia te bapetizoraa i te pohe. (A hi‘o i te Roma 6:2-4) Te faahoho‘a ra te reira ua faaruehia te oraraa tahito e te haamatahia ra te hoê oraraa apî. E faaite to oe bapetizoraa i te taata atoa ua faaî oe i na titauraa matamua faataahia e Iesu. Hau atu â, te ani atoa ra oe i te Atua ia horoa ’tu i te mana‘o haava maitai.—Hebera 9:14; Petero 1, 3:21.

E nafea ia ite ua ineine au no te bapetizoraa?

A paraparau i te mau matahiapo o te amuiraa. E tauturu atu ratou ia ite i te faufaaraa o tera faaotiraa, ua faaohipa anei oe i ta oe i haapii e na oe iho anei i faaoti i te pûpû ia oe i te Atua.—Ohipa 20:28; Petero 1, 5:1-3.

Tera atoa anei te mau titauraa no te mau tamarii a te mau Ite no Iehova?

E. Mai ta te Bibilia e faaue mai ra, ua haapii matou i ta matou tamarii “ma te a‘o a te Fatu ra [o Iehova].” (Ephesia 6:4) A paari noa ’i râ, e tia ia ratou iho ia haapii, ia farii e ia faaohipa i ta te Bibilia e haapii ra hou a bapetizohia ’i. (Roma 12:2) Na te taata taitahi e rave i ta ’na iho faaotiraa i te pae o te haamoriraa.—Roma 14:12; Galatia 6:5.

No te ite atu â

E nafea e itehia ’i te haamoriraa mau?

Hoê ana‘e anei haapaoraa mau? Hi‘o e pae ravea no te ite i te haamoriraa mau.

Te mana‘o ra anei te mau Ite no Iehova e ta ratou ana‘e te haapaoraa mau?

Ua parau anei Iesu e e rave rahi e‘a e aratai i te taata i te ora?