Maliferensi ghakulongozgera ku mavesi ghanyake agho ghali mu Baibolo la Malemba Ghakupatulika mu Mang’anamuliro gha Charu Chiphya, ghakulongora kukolerana kwa uthenga wa mu Baibolo, ndipo ghangatovwira kusanga malemba ghanyake agho ghali na fundo zakusazgikira pa nkhani iyo tikuŵazga. Kuti musange maliferensi agha penjerezgani apo pali tuvilembo tuchokotuchoko twa alufabeti mu mavesi agho mukuŵazga. Mu Baibolo lakupulinta, penjerezgani kachilembo kakuyana waka pa maliferensi agho ghakuŵa pakati pa peji lililose. Pa jw.org panji pa JW Library^® app, dofyani pa kachilembo ka pa vesi ilo mukuŵazga kuti muwone maliferensi agho ghalipo.

Maliferensi agha ghangamovwirani kusanga vinthu vyakulondezgapo ivi na vinyake vinandi:

Nkhani yakuyanako: Liferensi iyi yikumulongozgerani pa vesi ilo lili na nkhani yakuyanako na iyo mwaŵazga pa vesi linyake la mu Baibolo. Mwachiyelezgero, wonani 2 Samuyeli 24:1 na 1 Midauko 21:1.

Uko mazgu ghanyake ghakakoreka: Liferensi iyi yikulongora apo mazgu panji fundo yinyake yikayowoyeka kakwamba. Mwachiyelezgero, wonani Mateyu 4:4 na Dotoronome 8:3.

Kufiskika kwa uchimi: Liferensi iyi yikulongora umo uchimi unyake ukafiskikira. Mwachiyelezgero, wonani Mateyu 21:5 na Zekariya 9:9.