Kukumbukira Nyifwa ya Yesu
Chinayi, April 2, 2026
Kamoza chaka chilichose, Ŵakaboni ŵa Yehova ŵakukumbukira nyifwa ya Yesu nga umo mweneko wakayowoyera. Iyo wakati: “Lutilirani kuchita ichi kuti munikumbukenge.”—Luka 22:19.
Tikumuchemani imwe pamoza na banja linu kuti muzakaŵepo pa chakuchitika ichi.
Mafumbo Agho Ŵanthu Ŵakutemwa Kufumba
Kasi mbanjani awo ŵakwenera kuŵapo?
Waliyose ngwakupokelereka. Mungachemerako mubwezi winu na kwiza pamoza na banja linu.
Kasi Chikumbusko chikuchitika kwa maora ghalinga?
Chikuchitika pafupifupi ora limoza pera.
Kasi chamuchitikira nkhu?
Fumbani Ŵakaboni ŵa Yehova kuti mumanye vinandi.
Kasi mukulipiliska?
Yayi.
Kasi kwamuŵa zithero?
Yayi. Tikuŵa na zithero yayi pa maungano ghithu.—Mateyu 10:8.
Kasi tikwenera kuvwara vyakuvwara vyapadera?
Yayi. Kweni Ŵakaboni ŵa Yehova ŵakuŵikapo mtima kuvwara munthowa yakulongora kuti ŵakuchindika ungano wapadera uwu.
Kasi pa Chikumbusko pakuchitika vichi?
Tikwamba na kumalizga na sumu kweniso lurombo, ndipo yumoza wa Ŵakaboni ŵa Yehova ndiyo wakulomba. Pakuŵa nkhani ya mu Baibolo iyo yikulongosora kuzirwa kwa nyifwa ya Yesu, kweniso umo tingasangira chandulo pa ivyo Chiuta na Khristu ŵali kutichitira.
Kuti mumanye vinandi wonani nkhani yakuti “Chifukwa Wuli Ŵakaboni ŵa Yehova Ŵakupanga Mugonero wa Fumu Mwakupambana na Matchalitchi Ghanyake?”
Kasi munthazi Chikumbusko chizamuchitika pawuli?
2026: Chinayi, April 2
2027: Mande, March 22
Panji Mungatemwa Kuŵerengaso Nkhani Izi
CHIKUMBUSKO
Kukumbukira Nyifwa ya Yesu
Tikumupemphani kuti namwe muzakaŵepo pa zuŵa ili. Muzamumanya kuzirwa kwa nyifwa ya Yesu.
VISAMBIZGO VYAKUZIRWA VYA MU BAIBOLO
Chifukwa Wuli Yesu Wakafwa?
Baibolo lili na maukaboni ghanandi agho ghakulongora kuti nyifwa ya Yesu njakuzirwa. Kasi nyifwa yake yingatiwovwira wuli?
Nkhani Zinyake
Tikusanga Chandulo na Sembe ya Yesu
Kasi ni vinthu wuli viŵiri vyakuzirwa ivyo Yesu wakasambizga kuti tichitenge mwakuti tisange chandulo na nyifwa yake?
MANYANI VYA ISE
Mungaluta ku Maungano
Sambirani vyakukhwaskana na maungano ghithu. Sangani maungano kufupi na uko mukukhala.