Jucha mámaru ísï anapueska ka nájkirukachi mámaru jásï idioma uandajka, májku eratsikuachi jingoni ánchikuarhisïnga. Peru sánderu jukaparhakua ambe para jucha, jindesti sési marhuakuni Jeobani, imani Tata Diosïni enga Biblia uandajka ka enga iámindu ambe kueraaka. Jucha jánguarhintasïnga ísï jámani eska Jesukristu na jámaka, ka sésichi pʼikuarherasïnga kristianueni. Arhutasïngachi tiempuni parachi jarhuaatani kʼuiripuechani parakaksï jorhenguarhiaka Bibliaeri ambe ka Tata Diosïri Reinueri ambe. Juchachi eianhpisïnga Tata Diosï Jeobaeri ambe ka imeri Reinueri ambe, ísï jimbochisï mítikateka komueska Jeobaeri testiguecha.

Exe je juchari pájina Internetirhu. Arhinta je Bibliani Internetirhu. Jorhenguarhi je juchari ambe ka ambe engachi jakajkujka.