Exeni ambe enga jataka

Segundu menu jimbo nirani

Jeobaeri testiguecha

Purépecha

¿Kristianueskiksï Jeobaeri testiguecha?

¿Kristianueskiksï Jeobaeri testiguecha?

Jo, jindeskachi. Ixuksï jarhasti máru ambe enga ísï xarhatajka:

  • Jánguarhintasïngachi májkueni jámani eska tata Jesukristu ka ísï irekani eska ima na jorhentpijka (1 Pedru 2:21).

  • Jakajkusïngachi eskachi tata Jesukristuni jimbojkusï uáka pʼímutantskateni, “ka nóteru nemani jimbo jarhasti pʼímutantskua, jimboka nóteru ma nombri jarhaska íntsperakata ixú parhakpinirhu, enga jimbo jucha uáka pʼímutantskata jarhani” (Ukuecha 4:12).

  • Engachi Jeobaeri testigu úkuarhika, tata Jesukristueri nombrini jimbochi itsï atakuarhiska (Mateu 28:18,19).

  • Tata Jesukristueri nombri jimbochi kómarhisïnga (Juanu 15:16).

  • Jakajkusïngachi eska tata Jesukristu achatiri juramutiska (1 Korintu 11:3).

Uánikua ambe jarhasti engachi jimbo no májkuenika eska ima grupuecha engaksï kristianu arhikuarhijka. Ejemplu ma, niáraskachi kurhanguni eska Biblia jorhentpesïnga eska tata Jesukristu, Tata Diosïri Uájpeska ka eska no Trinidadi máeska (Markusʌ 12:29). Ka ístu, nochi jakajkusïnga eska alma no méni uarhisïnga ka ni eska Biblia jorhentpesïnga eska Tata Diosï komu nitamatarani jarhasïnga kʼuiripuechani infiernurhu o eskaksï relijionirhu anapu orhejtsïkuticha kʼéri ambe arhinhaka (Eclesiastés 9:5; Ezequiel 18:4; Mateu 23:8-10).