Tata Jesukristueri uarhikuani miántani
Lunesï 22 de marsu de 2027
Mándani uéxurhini, Jeobaeri testiguechaksï tánguarhintasïndi para tata Jesukristueri uarhikuani miántani ísï eska ima na juramupka. Ima uandaspti: “Ú je ini ambe jíndeni miántsparini” (Lukasï 22:19).
Pʼímarhisïngaksïni chánksïni ka chaari familia parajtsïni pámbetani ini tánguarhikuarhu.
Ambe engaksï sánderu kurhanguarhijka
¿Né uaa nirani indeni tánguarhikuarhu?
Chá ka chaari familia uaati nirani ka né enga uékaaka.
¿Na xáni durariisïni?
Ma oraisï durariisïndi.
¿Nani úkuarhia?
Uaakajtsï kurhamarhini Jeobaeri testiguni ma para míteni nani enga úkuarhiaka inde tánguarhikua.
¿Jatsiski parani maiampini inchani jámani?
Nómbe.
¿Kurhacheajtsïni sentabu incharini?
Nómbe. Jiáni engachi tánguarhijka nóchi méni kurhakuasïndi sentabu kʼuiripuechani (Mateu 10:8).
¿Néna jatsiski parani xukuparhani?
Juchaksïni no uaaka arhini nénajtsï xukuparhatini niua, joperu Jeobaeri testiguechachi jánguarhintasïnga janhanharhikua jingoni xukuparhani inde ambakiti jurhiatikua.
¿Ambe úkuarhisïni tánguarhikuarhu para miántani tata Jesukristueri uarhikuani?
Para ueenani jámani, orhetachi pirekua ma piresïnga ka Jeobaeri testigu ma kómarhisïndi Tata Diosïni. Tátsekua, arhijtsïkperata ma jarhasïndi enga uandajka andisï xáni jukaparhakue Jesúsiiri uarhikua ka na engajtsïni marhuachejka ambe enga Tata Diosï ka Kristu úkia juchantsïni jimbo. Ka para kʼamarania, ménderuchi piresïnga ka ístu únhasïndi máteru kómarhikua.
Parajtsï míteni máteru ambe, arhinta je artikuluni “¿Andiksïsï Jeobaeri testiguecha no májkueni úntajki Tateeri Senani ka eska máteru relijionicha?”.
¿Kánchi miántani jaua tata Jesukristueri uarhikuani?
2027: lunesï 22 de marsu
2028: domingu 9 de abrili
2029: juebesï 29 de marsu
Jamberijtsï ístu uéjka ini ambe míteni
MIÁNTSKUA
Ju je miántani tata Jesukristueri uarhikuani
Kánikua tsípikua jingonksïni pʼímarhisïnga parajtsïni pámbitani ini tánguarhikuarhu enga xáni jukaparhakueka. Ini tánguarhikuarhu, jorhenguarhiakajtsï nénaksïni uá marhuachini tata Jesukristueri tsípikua ka uarhikua.
JUKAPARHAKUA AMBE ENGA BIBLIA JORHENTPIJKA
¿Andisï uarhi Jesusi?
Jamberijtsï ísï kurhaaka eska Jesusi uarhiska juchari pekaduecha jimbo, ¿joperu néna úpirini xáni uáni kʼuiripuechani marhuakuni ambe enga solu ma kʼuiripu úka?
MÁTERU TEMEECHA
Marhuataa je kóntperateechani engachi jatsiaka tata Jesukristueri uarhikuani jimbo
¿Náki tsimani ambejtsïni jorhendaski Jesúsi eskachi jatsiska para úni parachi marhuataani kóntperateechani imeeri uarhikua jimbo?
JUCHARI AMBE
Tánguarhi je
Exe je na engaksï úkuarhijka juchaari tánguarhikuecha. Jirinha je nanijtsï uaa tánguarhini engaksïni no xáni iauani pakarhachiaka.