¡Ju je uandantani ambakiti aianhperakuani!”
Kʼéri tánguarhikua rejioniiri Jeobaeri testiguecheeri 2024
Nójtsï maiampiaka para inchani • Nójtsï euanhaaka sentabu incharini
Ambe enga exekuarhiaka
Biernesï. Exeakajtsï eska ísïiska ka eskajtsï uaaka mintsikani ambe engaksï uandajka tʼámu Karakateecha engaksï Jesúsiiri ambe uandantajka. Jorhenguarhiakajtsï andijtsïnisï inde karakateecha xáni marhuachejki iásï.
Sábadu. ¿Nani andajpenupirini Jesúsi ka ambe úkuarhipirini enga ima sapichuepka? ¿Ambe tʼuini uandanhaspia imeeri ambe? ¿Niáraspi ísï úkuarhini eska na uandanhapkia?
Domingu. ¿Andiksïsï uánikua kʼuiripuecha no chéjki ka tsípikua jingonksï irekani nájkiruka parhakpinirhu sánhani arhini jaka sánderu no sési jánhaskuarhini? Míteakajtsï ini ambe arini arhijtsïkperata jimbo enga Bibliarhu pʼitakata jaka “Nóchi chésïnga nájkirukachi no sési jásï ambe kurhaajka”.
Bideu enga Bibliarhu pʼitakata jaka
Ambakiti aianhperakua eska Jesúsi na aianhpika: Bideu 1
Parhakpini anapu tʼíntskua enga meru jindeeka
Desde enga Jesúsi andajpenupka milagru ma jimbo, ueenaspti mámaru ambe nitamakuarhini. Ejiptuksï páspti paraka rei ma no uándikupiringa. Máru uéxurhini tátsekua, ísku pakataaspti sánderu kʼéri jorhentpiriichani engaksï jiánisï irekani japka. Exenchi jauaka ini ambe ka uánikua máteru ambe bideu ma jimbo enga tsimani partiichani jimbo uéraaka biernesï ka sábadu.
Exea je arini bideuechani engaksï kʼéri tánguarhikueri ambe uandajka enga ini uéxurhini úkuarhiaka:
¿Nénaksï úkuarhisïni juchaari kʼéri tánguarhikuecha?
Exe je ambe enga xáni úkuarhijka kʼéri tánguarhikua rejioniiri ma jimbo.
Kʼéri tánguarhikua rejioniiri Jeobaeri testiguecheeri 2024 “¡Ju je uandantani ambakiti aianhperakuani!”.
Exe je máru ambe enga uéraaka kʼéri tánguarhikuarhu enga ini uéxurhini úkuarhiaka.
Ambe enga exekuarhiaka bideurhu: “Ambakiti aianhperakua eska Jesúsi na aianhpika”.
Uánikua kʼuiripuechaksï mítesti na enga andajpenupka Jesúsi. Joperu ante de inde milagru úkuarhini, ¿ambe úkuarhispi orheta ka ísï tátsekua?