Juchari ánchikuarhita úkuarhisïndi tumina jingoni engaksï Jeobaeri testiguecha jandiajku íntspijka. Juchari tánguarhikuecharhu no kurhajkuarhinhasïndi tumina. Nójtuchi arhinhasïnga eskachi jatsiska para diesmu íntspini (Mateu 10:7, 8). Enga nema uékajka tumina sáni íntspini, úsïndi jatsirani kajitecharhu engaksï jima jarhajka engachi tánguarhijka. No uandanhantasïndi né íntspeski tumina.

Uánikua ambe jimbochi no úrasïnga kánikua tumina. Uénani jámani, no nema meiamunhasïndi. Ístu, Jeobaeri testiguechachi no kobrarisïnga engachi nirajka kʼumanchikuecharhu uandantani, ka ariskuksï jásïsti kʼumanchikuecha nani engachi tánguarhijka.

Tumina enga Jeobaeri testiguecheri sukursalicharhu axanhajka, úrakuarhisïndi para jarhuataani imechani engaksï kómu nitamakuarhejka desastri ma jimbo, para jarhuataani misioneruechani ka biajantichani, para uáni kʼumanchikuechani para tánguarhini imani paisichani jimbo engaksï no káni tumina jatsika ka para uáni ka axaani Bibliaechani ka Bibliarhu anapu publikasionichani.

Mándani kʼuiripu erakukuarhesïndi sini íntspia tumina para ima ambe enga kúnguarhikuarhu uétarhijka, o para eianhpinhani parhakpinirhu o para tsimarhani ambe. Iámindu kúnguarhikuecharhu informi ma íntspinhasïndi na enga úrakuarhini jaka tumina ka iáminduechaksï úsïndi exeni.