1. Xikwembu xi ni tintswalo,

Tintswalo to hlamarisa.

Xa hi hlayisa hinkwerhu,

Xi hi nyika hi tintswalo.

Vanhu lava hundzukaka

Xi ta va komba tintswalo.

Hi ntshuri xa swi tsundzuka,

Xi ni tintswalo ni nsovo.

2. Xikwembu ha xi dyohela,

Hi xi kombela tintswalo,

Yesu u hi kombe ndlela

Ya ku kombela tintswalo:

“Hi rivalele kukota,

Loko hi va rivalela.”

Ivi hi tshika mahlundzu,

Hi tiphina hi ku rhula.

3. Loko hi endla tinyiko,

A swi hume embilwini.

A hi lavi k’dzunisiwa,

Hi tsakisa vamakwerhu.

Xikwembu xi langutile,

I muhakeri wa wena.

Va tsaka vanh’ va tintswalo,

Yehovha wa va tsakela.