Broxara leyi yi ta ku pfuna leswaku u tiphina hi ku dyondza hi ku kongoma eRitweni ra Xikwembu ku nga Bibele. Matsalwa lama nga emakumu ka ndzimana yin’wana ni yin’wana ma kombisa laha u nga kumaka tinhlamulo eBibeleni ya wena ta swivutiso leswi tsariweke hi marito yo dzwihala.

Loko u ri karhi u hlaya tindzimana ta le Bibeleni, anakanya hi ndlela leyi ti swi hlamulaka ha yona swivutiso leswi. Mbhoni yin’wana ni yin’wana ya Yehovha yi ta tsakela ku ku pfuna leswaku u twisisa nhlamuselo ya Matsalwa.—Hlaya Luka 24:32, 45.