Nsandulo iizwa muBbayibbili

 Nikuba kuti Bbayibbili talyaambi makani miingi pe atala akubbeja, pesi kuti twabona nzyaawamba malayilile aamuBbayibbili tulakonzya kubona kuti Leza ukubona kakuli kubisya kubbeja.—Ba-efeso 5:17. a

•   Kubbeja kuzulwidwa aakutangala, buntu oobo Leza mbwazonda. (1 Bakkorinte 6:9, 10; Ba-efeso 5:3, 5) Basikubbeja nga bali aamakanze aakuti bawine kuchitila kuti bajane mali nyingi, pesi Bbayibbili litondeezya kuti Leza ulabazonda bantu babweza changuzu zintu zyabamwi.—Kulonga 20:17; Baroma 7:7; 13:9, 10.

•   Kubbeja nikuba kuti muntu kali aamakanze aakujana kamali kache, kulakonzya kubusya muzeezo wakuyandisya mali.—1 Timoti 6:9, 10.

•   Basikubbeja chiindi chiingi babelesya zyamizimu naakuti misamu. Nikuba oobo, kusyoma zintu eezi Leza ukubona mbuli kukomba zibumbwa, eezi tazyeendelani pe abukombi bwakwe.—Isaya 65:11.

•   Bbayibbili litusungwaazya kuti tubeleke changuzu kutali kuti tujane zintu mahala. (Mukambausi 2:24; Ba-efeso 4:28) Aabo baswiililia malayilile aamuBbayibbili balya “chakulya nchibalibelekela.”—2 Batesalonikka 3:10, 12.

•   Kubbeja kulakonzya kubusya muuya wakuzundaana, ooyo uutazumizigwi aaBbayibbili.—Galatians 5:26.