“Nichoonzyo Muli Chikozyano Chibotu!”
BAKAMBONI BAJEHOVA bamuSaponara, dolopo lyamuSicily, bakapegwa pulayizi akaambo kakugwasilizya nkubakachita chiindi maanzi naakapaya mundawu eeyi.
Mu22 November, 2011, maanzi akapaya muli amwi madolopo amumiinzi yamuchilikiti chaMessina. Mubuzuba oobo goko, muSaporana madaka aaba kuti zilundu zyakolomoka akajeya bantu batatu, mwana abantu bapati babili.
Mumazuba akazootobela, Bakamboni baJehova bakachita mabambe aakuti kube basikulipeda kuti bakagwasilizye kugwisya madaka mundawu zyakali zyafukilwa loko.
Basikulipeda aaba bakabelekaamwi abalupati pati bamundawu eezyo kuti bakonzye kuziba kwakali kuyanda lugwasyo loko. Bakayinkilila kunembo kugwasilizya nikuba kuti bakali bamaninsya mpubakali kuyanda kubeleka chakufwambaana. Bakamboni basika ku50 naakuti 80 bakalipeda mumulimu ooyu kuswaanizya abamwi bakali bazwa mundawu zili kule amakkilomita aali 97.
Bantu biingi bakachitikilwa apenzi eeli bakabalumba loko Bakamboni aabo bakalipeda kuzoogwasilizya. Meya wadolopo eelyo wakayindulula twiingi kwaamba kuti: “Nichoonzyo Muli Chikozyano Chibotu!”
Nikwakayinda myeezi iili 5, mwaalumi uubeleka kuKkansulu uutegwa Fabio Vinci, kayiminina balupati-pati bamundawu eeyo wakapa Bakamboni baJehova bamundawu eeyo pulayizi.