Pa 14 August 2021, kumwera chakuzambwi kwa Haiti kunguchitika chidiririsi chanthazi ukongwa kweniso vidiririsi vimanavimana. Pasonu vinthu vo vanangika vechekufufuzika.

• Vachitima kuti azichi atatu akufwa

• Abali ndi azichi 21 akupwetekeka

• Nyumba 119 zikunangika

• Nyumba 72 zikunangikiya limu

• Nyumba za Ufumu zinkhondi zikunangika kamanavi

• Nyumba za Ufumu zinayi zikunangika ukongwa

• Komiti Yakovya pa Masoka (DRC) yiwonere ntchitu yakupereka chovyu. Komiti yeniyi yigwiriya limoza ntchitu ndi akuwonere madera ŵaŵi kweniso ŵara a muchigaŵa chenichi, pakovya kweniso kupembuzga abali ndi azichi

• Komiti Yakovya pa Masoka (DRC) yipereka vinthu vakukhumbika nge vakudika, vakuvwala, chakurya, munkhwala ndi maji. Anozga so kuti abali ndi zichi wo apwetekeka alondiyengi chovyu chakuchipatala

• Abali ndi azichi wosi wo apereka chovyu avwiya ulongozgi wa mo angajivikiliya ku mulili wa COVID-19

Chinanga kuti akumana ndi masuzgu, pafufupi mipingu yinandi muchigaŵa cho chingukwaskika yingufiska kuchita maunganu pa Sabata pa 15 August kuziya pa vidiyokonferensi. Ndipuso abali ndi azichi angufiska kuwonere Unganu wa Chigaŵa wakuti “Chivwanu Chititipaska Nthazi.” pa Sabata chigaŵa cha mulenji.

Te ndi chitima chikulu ukongwa chifukwa cha nyifwa ya azichi ŵidu atatu. Tipemphere abali ndi azichi wo ŵe ndi chitima chifukwa cha nyifwa ya munthu yo amuyanjanga, wo akupwetekeka pamwenga wo asuzgika maŵanaŵanu chifukwa cha chidiririsi chenichi. Tiziŵa kuti Yehova wawona masuzgu ngawu ndipu walutirizgengi kuja malu ngawu ngakuthawiyaku kweniso nthazi yawu pa nyengu ya masuzgu.—Salimo 46:1, 2.