Julani

CHIVWANU CHITITIPASKA NTHAZI!

Unganu Wachigaŵa wa Akaboni aku Yehova wa 2021

Titikupemphani kuti muwonere unganu wachigaŵa wa chaka chinu wa mazuŵa ngatatu wa Akaboni aku Yehova. Chifukwa cha mulili wa COVID-19, unganu wachigaŵa wa chaka chinu uŵikikengi pa Intaneti pa jw.org. Vigaŵa va unganu uwu viŵikikengi kamanakamana kwambiya mu July mpaka August.

KUMBI KU UNGANU UWU KWENJI?

  • Vigaŵa va pa Chinkhondi: Mwamuziŵa chifukwa cho tikhumbikiya kugomezge kuti Chiuta waliku, kugomezga Mazu ngaki, fundu zaki za mijalidu yamampha ndipuso chanju chaki. Mwamusambira so mo vinthu va muchilengedu vingakuwovyiyani kuti muje ndi chivwanu chakukho pa vo Mlengi wakulayizga.

  • Vigaŵa va pa Chisulu: Ntchifukwa wuli Akaboni aku Yehova alutirizga kupharazga? Mwamuwona mo uthenga wo apharazga utovye ŵanthu pacharu chosi chapasi.

  • Vigaŵa va pa Sabata: Kumbi “uthenga wamampha” ntchinthu wuli? (Mariko 1:14, 15) Kumbi tingawuthemba? Mwamusaniya kwamuka kwa mafumbu ngenanga mu nkhani yakutuliya mu Bayibolu ya mutu wakuti “Jani ndi Chivwanu mu Uthenga Wamampha.”

  • Seŵeru la Nkhani ya mu Bayibolu: Nkhani ya mchimi Daniyeli njimoza mwa nkhani zo ŵanthu akondwa nazu ukongwa mu Bayibolu. Mu seŵeru la vigaŵa viŵi lo lamuŵaku pa Chisulu ndi pa Sabata, mwamuwona mo iyu wachitiyanga asani wayeseka kweniso asani wanyozeka.

UNGANU UWU NGWAWEZI

MUKHUMBIKA PASIWEDI CHA PAMWENGA KULEMBESA

Wonani pulogilamu yosi ya unganu kweniso woneriyani vidiyo yo yikonkhoska vakukwaskana ndi unganu wachigaŵa wa 2021.