Kumbi mwambu wenuwu uchitika kwanyengu yitali wuli?

Pafufupi ora limoza.

Kumbi mwambu wenuwu wamuchitikiya pani?

Kambiskanani ndi Akaboni aku Yehova a ko muja kuti akukonkhoskiyeni ko mwambu uwu wamuchitikiya.

Kumbi ndikhumbika kulipira ndalama kuti ndisaniriki pa mwambu uwu?

Awa.

Kumbi pa mwambu uwu pamuyendeseka mbali ya mpasku?

Awa. Akaboni aku Yehova atendesa mbali ya mpasku cha pa maunganu ngawu.

Kumbi pe dangu la mo ndingavwaliya?

Chinanga kuti pa mwambu uwu palivi dangu la mo munthu weyosi wangavwaliya, kweni Akaboni aku Yehova atesesa kulondo ulongozgi wa mu Bayibolu wakuti tikhumbika kuvwala mwakwenere kweniso mwaulemu. (1 Timote 2:9) Mukhumbika kuvwala malaya ngakudula pe cha.

Ntchinthu wuli cho chichitika ku Chikumbusu?

Mwambu uwu utamba ndi kumala mwakumba sumu kweniso pempheru lo liperekeka ndi mteŵeti wa Akaboni aku Yehova. Chigaŵa chikulu cha mwambu uwu ndi nkhani yo yilongo kukhumbika kwa nyifwa yaku Yesu kweniso mo tiyanduliya chifukwa cha vo Chiuta ndi Khristu akutichitiya.