Zacarías 9:1-17
9 Mbá rí nijuiʼthá:
“Rígi̱ nindxu̱u̱ ajngóo Jeobá dí magíʼnuu ku̱ba̱ʼ ndrígóo Hadrac,ma̱ngaa dí magíʼnuu Damasco,+numuu rí iduu Jeobá xtáa rayejxi̱ náa tsu̱du̱u̱ ku̱ba̱ʼ+ga̱jma̱a̱ náa xúgíʼ xuajin majkhaʼ* ndrígóo Israel,
2 ga̱jma̱a̱ rí magíʼnuu Hamat,+ náa kri̱ga̱ ndawaa ndrígóo,ma̱ngaa dí magíʼnuu Tiro+ ga̱jma̱a̱ Sidón,+ bi̱ ra̱ʼkhá tháán ejmañún.+
3 Tiro niʼni mbá xtájtsí.
Nigímbóó plata xóo yujndaʼga̱jma̱a̱ oro xóo ku̱ba̱ʼ dí rígá náa kamba̱a̱.+
4 ¡Gu̱ya̱a̱! Jeobá marígú káyuuʼ rí gíʼdooga̱jma̱a̱ matsikáa xuajin,+ma̱ngaa maʼni gámbíin soldádiu̱u̱ náa lamáa.*+
5 Asquelón mbaʼyoo ga̱jma̱a̱ mamiñúu,Gaza maxmiéjuunʼ wéñuuʼ,Ecrón ma̱ngaa maxmiéjuunʼ numuu rí bi̱ gíʼthu̱u̱n mambáyúu nigájnuu majkhuu.
Gaza maʼnimbáti̱ga̱a̱ rey ndrígióoga̱jma̱a̱ náa Asquelón ní xákúwá xa̱bu̱.+
6 Mbáa a̱ʼdá xáná maxtáa náa Asdod,ga̱jma̱a̱ ikhúún ma̱ni̱ gámbáa rí nuni̱ mbaʼumíjna̱ filisteo.+
7 Ma̱ni̱ ka̱ʼwi̱i̱ rawuunʼ náa kagu̱u̱ eʼdiga̱jma̱a̱ magúwíi náa iñuuʼ rí nindxu̱u̱ xkawiʼ,ga̱jma̱a̱ maguanúu mu mani̱ndxu̱u̱ mbá rí kaʼyoo Dios ndrígúlú,ikhaa magaʼnú mani̱ndxu̱u̱ xóo mbáa bi̱ mbayá edxu̱u̱ náa Judá,+Ecrón mani̱ndxu̱u̱ xóo mbáa jebuseo.+
8 Mañewu̱u̱n goʼwóʼ xóo mbáa bi̱ nayejngoo,+xániʼñúuʼ rí mbáa xa̱bu̱ sia̱nʼ ma̱ʼkha̱ o maʼga̱a̱,ga̱jma̱a̱ nimbáa xa̱bu̱ bi̱ naʼni ngíníin eʼwíinʼ xátanga̱a̱ manújngoo ikhí,+numuu rí xúgi̱ ndi̱yo̱o̱ mínuuʼ rígi̱.*
9 Wáxióo Sion, gaʼdxaaʼ wéñuuʼ.
Atatsaʼwá ga̱jma̱a̱ gagi wáxióo Jerusalén.
¡Atayáá! Rey ndrígáaʼ na̱ʼkha̱ gáʼyaaʼ.+
Nindxu̱u̱ jmbii ga̱jma̱a̱ na̱ʼkha̱ gáʼni kríña̱a̱nʼnindxu̱u̱ xa̱bu̱ wabaaʼ+ ga̱jma̱a̱ karíguii mbáa búrru,mbáa a̱ʼdá búrru, a̱ʼdióo mbáa búrra.+
10 Ma̱ni̱ dí xárígá carro rí nuxmijná ga̱jma̱a̱ náa Efraínga̱jma̱a̱ ma̱ni̱ gámbíin wáyú náa Jerusalén.
Maguma gámbáa xkamídá rí nuxmijná ga̱jma̱a̱.
Ikhaa maʼthúún xa̱bu̱ xuajin dí marigá rí tsímáá,+dí maʼtáñajunʼ nindxu̱u̱ náa lamáa asndu náa imbo̱o̱ lamáanáa mañu Éufrates asndu náa naguámbári̱go̱o̱ ku̱ba̱ʼ.+
11 Ga̱jma̱a̱ numuu eʼdi rí nimbánulú, ikháán, a̱ʼgu̱,ma̱ni̱ káwíin xa̱bia̱a̱ʼ bi̱ ni̱jkha̱ kiʼdiin náa iñáʼ mijxooʼ.+
12 Gatangáanʼla náa xtájtsí, ikháanʼla bi̱ ni̱jkha̱ kiʼdáanʼ bi̱ rígá mbaʼa rí kuaʼti̱i̱n.+
Rí xúgi̱ natha̱nʼ:‹Ikháán, a̱ʼgu̱, a̱jma̱ nuthu itháán gáni̱ tsajkurámáánʼ.+
13 Judá nindxu̱u̱ xóo xkamídá ndrígóʼ, maxumúu,*
Efraín mani̱ndxu̱u̱ flecha ndrígóo xkamídá.Maxkajuiín e̱jña̱a̱ʼ Sion,muxmijná gajmiún e̱jña̱a̱ʼ, Grecia,ma̱ni̱* rí mani̱ndxa̱a̱ʼ xóo espádóo mbáa xa̱bu̱ xkujiiʼ›.
14 Makujmaa Jeobá náa ikhiin,ga̱jma̱a̱ flecha ndrígóo magajnúu xóo agiuuʼ a̱jkhu̱u̱n.*
Tátá Jeobá bi̱ itháán Mba̱a̱ mandiyuuʼ chi̱ji̱ʼ+maʼga má xúʼko̱ ga̱jma̱a̱ giñámbiʼ dí na̱ʼkha̱ náa sur.
15 Jeobá bi̱ naʼtáñajúúnʼ ángeles mambáñún xa̱bu̱ xuajñuu,ikhiin maʼngu̱u̱n muni̱ gajmiún xa̱bu̱ sia̱nʼ ndrígu̱ún bi̱ nuxnún ga̱jma̱a̱ xkrájtsí.+
Muwa̱a̱n, mundxa̱ʼwa̱ xóo índo̱ naʼwa̱a̱n vino,ga̱jma̱a̱ ikhiin mani̱ndxu̱ún xóo xua̱a̱ rí kajnííʼ vino,xó má skínuu náa nakarámáʼ tsigijñaʼ.+
16 Jeobá Dios ndrígu̱ún maʼni káwíin xa̱bu̱ xuajñuu mbiʼi rúʼko̱xó má mbáa baxtúu naʼni káwíin mugiu̱u̱,+numuu rí mani̱ndxu̱u̱ xóo itsí mitsaanʼ* dí tima náa mbá corona rí naxpíbínʼ náa ku̱bo̱o̱ʼ.+
17 ¡Ra̱ʼkhá tháán májáanʼ a̱jkiu̱u̱n+ga̱jma̱a̱ ra̱ʼkhá tháán mitsiʼyáa!
Ganitsu ga̱jma̱a̱ vino nuxi̱ʼmaʼni rí jiámá ga̱jma̱a̱ wa̱ʼxa̱ʼ* maganiin”.+
