Zacarías 13:1-9
13 Mbiʼi rúʼko̱ mambaʼtoo mbá puzu mu xúʼko̱ bi̱ kúwá náa goʼwóo David ga̱jma̱a̱ xa̱bu̱ xuajin Jerusalén maguma kaʼwíín náa aʼkhá ga̱jma̱a̱ rí niguma tsagiin.+
2 Mbiʼi rúʼko̱, eʼthí Jeobá bi̱ naʼtáñajúúnʼ ángeles, ma̱ni̱ jngudi̱i̱ náa xuajin mbiʼñún xándú,+ ga̱jma̱a̱ nimbáa xármáʼáan a̱jkiu̱u̱n kaʼyoo mbiʼñún, ma̱ni̱ gámbíin profeta náa xuajin+ ma̱ngaa bi̱ nuni̱ marigá rí tsaga náa Dios.
3 Á mu mbáa xa̱bu̱ natanga̱a̱ naʼtári̱ya̱ʼ, anu̱u̱* ga̱jma̱a̱ ru̱dúu̱,* bi̱ nini̱ rí maxtáa, muthán: ‹Ikháán xáraxtaa, numuu dí niratá rí minduwaʼ ga̱jma̱a̱ numuu mbiʼyuu Jeobá›. Anu̱u̱ ga̱jma̱a̱ ru̱dúu̱, bi̱ nini̱ rí maxtáa, muxkruaʼaa chílú ga̱jma̱a̱ numuu rí niʼtári̱ya̱ʼ.+
4 Mbiʼi rúʼko̱, xúgíinʼ profeta mati̱ñu̱u̱nʼ mámbá rí gútari̱ya̱ʼ ga̱jma̱a̱ numuu rí niwasngájmún,* ni xúgíʼ xtíin* rí nugíʼ profeta+ mu muthi rí nduwaʼ.
5 Mambáa dí ikhiin maʼthí: ‹Na̱nguá nindxu̱ʼ profeta. Nindxu̱ʼ mbáa xa̱bu̱ bi̱ nañajuunʼ ku̱ba̱ʼ, numuu rí mbáa xa̱bu̱ niʼtsiu̱u̱n nákha nindxu̱ʼ dxámá›.
6 Á mu mbáa narajxu̱u̱ ‹Náá numuu rí tima tsínáʼ náa xpajpaaʼ* rá.› Mariʼña̱a̱ ‹Nixnuʼ náa guʼwún bi̱ nambájxu̱ʼ gajmíʼ›”.
7 “Ikháán bi̱ jchá espada, arajxu̱u̱nʼ gajmaaʼ espada ndrígáaʼ mu mataxmíjná ga̱jma̱a̱ʼ baxtúu ndrígóʼ,+ma̱ngaa xa̱bu̱ bi̱ nambájxu̱ʼ ga̱jmu̱ʼ, eʼthí Jeobá bi̱ naʼtáñajúúnʼ ángeles,
atani̱ gawíínʼ baxtúu+ ga̱jma̱a̱ mugiu̱u̱ magadríʼiin,+ga̱jma̱a̱ maxprígún bi̱ raguáʼdáá numún”.
8 “Náa xúgíʼ xuajin, eʼthí Jeobá,a̱jma̱ níʼkhóo maguma gámbáa, makhañún,ga̱jma̱a̱ dí maʼni ajtsú níʼkhóo maguanún.
9 Dí maʼni ajtsú níʼkhóo ma̱ni̱ rí manújngún náa aguʼ,ma̱ni̱ kaʼwíín mu maʼni̱i̱ xngiñiinʼ xó má naguma kaʼwi̱i̱ plataga̱jma̱a̱ mangujmiin xó má engujma oro.+
Ikhiin mugríga̱a̱ mbiʼyuʼga̱jma̱a̱ ikhúún mariʼñúún.
Ikhúún ma̱ta̱ ‹Ikhiin nindxu̱ún xa̱bu̱ xuajñunʼ›+
ga̱jma̱a̱ ikhiin muthi ‹Jeobá nindxu̱u̱ Dios ndrígúxu̱›”.
