Amós 6:1-14
6 “¡Ngíníin lá xa̱bu̱ Sion bi̱ nakumu̱ún kuyamijná i̱ndó ikhiinbi̱ nakumu̱ún rí nda̱a̱ dí gúgíʼníín náa kúbá Samaria,+xa̱bu̱ bi̱ najmaʼniún bi̱ kúwá náa xuajin rí itháán gíʼdoo numuu,ikhiin bi̱ nagún náa goʼwóo Israel!
2 Ganújngala náa Calné ga̱jma̱a̱ gu̱ya̱a̱.
Asndu ikhí gaʼguala náa Hamat rí Mba̱a̱+ga̱jma̱a̱ guguájtala náa Gat náa xuajñún filisteo.
Lá guáʼdáá itháan numún ikhiin xóo a̱jmi̱i̱n xa̱bu̱ ñajunʼ bugi̱ ráʼ.*Lá itháán mba̱a̱ mbañúúnʼ ikhiin ki xóo mbayala ikháanʼ ráʼ.
3 Tséxmiéjuaanʼ eʼni gamiéjunʼ rí matagíʼníí,+natadri̱gi̱i̱n xa̱bu̱ bi̱ xkawiʼ a̱jkiu̱ún mu mutañajunʼ.+
4 Índo̱ kúwáanʼ ra̱ʼphu̱ xuñúúnʼ mugu̱ ga̱jma̱a̱ xedi̱ bi̱ mbaʼwi̱i̱n,+jngútámáanʼ náa xiyoo dí niguma ga̱jma̱a̱ marfil*+ ma̱ngaa nuxumáan i̱tsa̱la̱ náa xílí rí itháan májánʼ.+
5 Nuni̱ ajmúú xó má ejkha̱ aʼwóo arpa+xó má David, nuni̱ ajua̱nʼ dí mudi̱i̱ ga̱jma̱a̱ ajmúú.+
6 Naʼwa̱a̱n vino ga̱jma̱a̱ xua̱a̱ rí mba̱ʼu̱+nuxtamamijná aceite rí itháán májánʼ.
Mú ikhiin tséxmiéjúúnʼ* eʼni gamiéjunʼ rí magíʼnuu José.+
7 Ikhiin gánindxu̱ún ginii bi̱ maʼga kiʼdiin,+mambá ndxa̱a̱ ndrígu̱ún bi̱ nuxuma̱a̱n i̱tsu̱ún náa xílí rí itháán májánʼ.
8 ‹Tátá Jeobá bi̱ itháán Mba̱a̱ nijmuu mbiʼyuu mu maxná ajngóo,+ eʼthí Jeobá Dios bi̱ naʼtáñajúúnʼ ángeles:“Tsíyóʼ gáyóo rí naʼnimbamínáʼ Jacob,+nawi̱yu̱ʼ eʼni torres rí wájun gújkhúʼ,+maxnajxí xuajin ga̱jma̱a̱ xúgíʼ dí rígá ikhí.+
9 Á mu naguanún gu̱wi̱i̱nʼ xa̱bekha náa mbá guʼwá, ikhiin mangiin makhañún.
10 Mbáa bi̱ kaʼñún* ma̱ʼkha̱ ga̱jma̱a̱ maʼga kagui̱i̱n ga̱jma̱a̱ mámbáa gátsikáa. Maguwíi i̱tsu̱ún náa rexo̱o̱ guʼwá ga̱jma̱a̱ maʼthúu̱n bi̱ kraʼaa náa cuarto dí awúún: ‹Lá xtáa i̱mba̱a̱ ga̱jma̱á nindxa̱a̱ʼ ráʼ.› Ikhaa mariʼña: ‹¡Ndawa̱a̱ nimbáa!›. Ikhú ikha maʼthí: ‹¡Wíí gáʼni! Numuu rí xúgi̱ na̱nguá nindxu̱u̱ mbiʼi mu marata mbiʼyuu Jeobá›”.
11 Numuu rí Jeobá nindxu̱u̱ bi̱ naxná kiʼtáñajunʼ,+ikhaa maʼni gámbáa guʼwá rí mba̱a̱ asndu maʼni̱i̱ xójóoga̱jma̱a̱ guʼwá chíʼgíiʼ* maʼni gámbáa mbá kayuuʼ.+
12 Lá nagáñún wáyú náa pátsí,o mbáa naxnúu xku̱bi̱ ikhí gajmíi̱n xedi̱ ráʼ.
Ikháanʼ ni̱nila rí naguma xó má kaʼyoo mani̱ndxu̱u̱ xóo mbá iná mbiiʼga̱jma̱a̱ ni̱nila rí maʼni miʼkhu̱u̱n* rí nindxu̱u̱ jmbu.+
13 Kuwáanʼ gagi ga̱jma̱a̱ numuu mbá rí tséjmaa nditháan,nu̱tala: “Lá raʼkháa ga̱jma̱a̱ numulú má ikháánʼ dí niguaʼdáá tsiaki̱i̱* ráʼ.”+
14 Makuʼmá mbá xuajin mu maʼni gínáanʼ ikháanʼ bi̱ kuwáanʼ náa goʼwóo Israel,+ eʼthí Jeobá Dios bi̱ naʼtáñajúúnʼ ángeles,maʼni gínáanʼla náa Lebó-Hamat*+ asndu náa mata* ndrígóo Arabá›”.
Mbaʼa nota
^ Nakujmaa rí naʼthí ga̱jma̱a̱ numún xa̱bu̱ ñajunʼ Judá ga̱jma̱a̱ Israel.
^ Rígi̱ na̱ʼkha̱ náa iñúúnʼ dí miʼxá elefante ga̱jma̱a̱ eʼwíinʼ xujkhúʼ.
^ Náa ajngáa hebreo naʼthí, “na̱nguá niʼniún nandii”.
^ Náa ajngáa hebreo naʼthí, “Ndxájuu anu̱ún”.
^ O “lajuíin”.
^ Náa ajngáa hebreo naʼthí, “túrajthuun chi̱ji̱ʼ maʼni ndrígúlú”.
^ O “índo̱ nadxu̱ʼ mata̱ʼa̱a̱ʼ náa Hamat”.
^ O “bóo”.
