Amós 1:1-15
1 Rígi̱ nindxu̱u̱ ajngóo Amós,* mbáa bi̱ nindxu̱u̱ baxtúu bi̱ xtáa náa Tecoa+ bi̱ nigruigú mbá rí niwasngájmáá* ga̱jma̱a̱ numuu Israel nákha mbiʼi rí nixtáa Uzías+ rey ndrígóo Judá ga̱jma̱a̱ mbiʼi rí nixtáa Jeroboán+ a̱ʼdióo Joás+ rey ndrígóo Israel a̱jma̱ tsiguʼ wapháá nákha xóó tséʼxma.+
2 Niʼthí:
“Jeobá mandxa̱ʼwá asndu náa Sionmakuxi̱ aʼwóo asndu náa Jerusalén.
Maxtáa ngíná ra̱jxa̱ náa nagún kudiin muphiʼtsu mugiu̱ún baxtúumujndooʼ ra̱jxa̱ dí rígá náa inuu kúbá Carmelo”.+
3 “Rígi̱ dí naʼthí Jeobá:‹“Numuu dí nángi eʼni ekujximínáʼ* Damasco, ikha jngóo xári̱ʼkhu̱u̱ dí niraʼwíí ma̱ni̱,numuu rí nirujtsi̱i̱ Galaad ga̱jma̱a̱ hierro.+
4 Ikha jngóo makuʼmá mbá aguʼ náa goʼwóo Hazael,+ga̱jma̱a̱ matsikáa torres rí wájun gújkhúʼ náa Ben-Hadad.+
5 Maxpígaʼ ixi̱ mbi̱jua̱ rí nagúguáa ga̱jma̱a̱ riejuun Damasco,+ma̱ni̱ gámbíin xa̱bu̱ bi̱ kúwá náa Bicat-Avenxúʼko̱ má bi̱ naʼtáñajunʼ* náa Bet-Edén,xa̱bu̱ xuajin Siria maʼga kiʼdiin náa Quir”,+ eʼthí Jeobá›.
6 Rígi̱ rí naʼthí Jeobá:‹“Numuu rí nángi eʼni ekujximínáʼ* Gaza,+ ikha jngóo xári̱ʼkhu̱u̱ dí niraʼwíí ma̱ni̱,numuu rí nigún kudiin mbá nguáthi̱i̱n bi̱ nijkha kiʼdiin+ ga̱jma̱a̱ nixnajxi̱i̱n náa Edom.
7 Ikha jngóo makuʼmá mbá aguʼ náa xtájtsí ndrígóo Gaza,+ga̱jma̱a̱ matsikáa torres rí wájun gújkhúʼ.
8 Ma̱ni̱ gámbíin xa̱bu̱ bi̱ kúwá náa Asdod+xúʼko̱ má bi̱ naʼtáñajunʼ* náa Asquelón,+matanga̱án ga̱jma̱a̱ ma̱ni̱ ngínáa Ecrón,+filisteos bi̱ xóó gáguanún maʼga̱nú mbiʼi rí mambíin”,+ eʼthí Tátá Jeobá bi̱ itháán Mba̱a̱›.
9 Rígi̱ dí naʼthí Jeobá:‹Numuu dí nángi eʼni ekujximínáʼ* Tiro,+ ikha jngóo xári̱ʼkhu̱u̱ dí niraʼwíí ma̱ni̱,numuu rí nixnajxi̱i̱n xúgíinʼ bi̱ ni̱jkha̱ kiʼdiin náa Edomga̱jma̱a̱ na̱nguá nirmáʼáan a̱jkiu̱u̱n rí nimbánuu ga̱jma̱a̱ ndxájuu.+
10 Ikha jngóo makuʼmá mbá aguʼ náa xtájtsí ndrígóo Tiro,ga̱jma̱a̱ matsikáa torres rí wájun gújkhúʼ›.+
11 Rígi̱ rí naʼthí Jeobá:‹Numuu rí nángi eʼni ekuximínáʼ* Edom,+ ikha jngóo xári̱ʼkhu̱u̱ dí niraʼwíí ma̱ni̱,numuu rí ni̱jkha̱ raxkoo giʼtio̱o̱ ga̱jma̱a̱ espada+ma̱ngaa numuu rí tándoo gágawíinʼ a̱jkiu̱u̱n kaʼyoo.Ra̱ʼkhá tháán kiʼnáa, tségáwíinʼ a̱jkiu̱u̱n xóo eʼni ngíníinga̱jma̱a̱ nakásngañu̱u̱ʼ má xúʼko̱ kaʼñún.+
12 Ikha jngóo makuʼmá mbá aguʼ náa Temán,+ga̱jma̱a̱ matsikáa torres rí wájun gújkhúʼ náa Bozrá›.+
13 Rígi̱ dí naʼthí Jeobá:‹“Numuu rí nángi eʼni exuximíjna̱* xa̱bu̱ ammonitas,+ ikha jngóo xári̱ʼkhu̱u̱ dí niraʼwíí ma̱ni̱,numuu dí nirujtu awúún gu̱ʼu̱ bi̱ kuda ewíin e̱ji̱n* náa Galaad mu muni̱ mba̱a̱ mbañúúnʼ.+
14 Ikha jngóo magídóoʼ agiuuʼ xtájtsí ndrígóo Rabá,+ga̱jma̱a̱ rígi̱ matsikáa torres rí wájun gújkhúʼ,mawán mbá aʼwá rí muxmijná mbiʼi dí marigá guerra,ma̱ʼkha̱ mbá ruʼwambiʼ mbiʼi dí maxnúu giñámbiʼ.
15 Rey ndrígu̱ún ga̱jma̱a̱ príncipes ndrígu̱ún mbóó gáʼga kiʼdiin”,+ eʼthí Jeobá›.
Mbaʼa nota
^ Rí nandoo gáʼthúu̱n ‹rí nindxu̱u̱ mbá eʼda› o ‹maʼga kayóo mbá eʼda›.
^ O “visión”.
^ Náa ajngáa hebreo naʼthí, “Raʼkháa ajtsú o a̱jkhu̱ nuthu rí ekujximínáʼ”.
^ Náa ajngáa hebreo naʼthí, “bi̱ kayá ixi̱ ñajunʼ”.
^ Náa ajngáa hebreo naʼthí, “Raʼkháa ajtsú o a̱jkhu̱ nuthu rí ekujximínáʼ”.
^ Náa ajngáa hebreo naʼthí, “bi̱ kayá ixi̱ ñajunʼ”.
^ Náa ajngáa hebreo naʼthí, “Raʼkháa ajtsú o a̱jkhu̱ nuthu rí ekujximínáʼ”.
^ Náa ajngáa hebreo naʼthí, “Raʼkháa ajtsú o a̱jkhu̱ nuthu rí ekujximínáʼ”.
^ Náa ajngáa hebreo naʼthí, “Raʼkháa ajtsú o a̱jkhu̱ nuthu rí exuximíjna̱”.
^ O “endi̱i̱n”.
