Amós 4:1-13

  • Ajngáa rí na̱jkha̱ inún xedi̱ bi̱ kúwá náa Basán (1-3)

  • Jeobá natsíjmiin xa̱bu̱ Israel bi̱ tséyamajkuíí ikhaa (4, 5)

  • Israel tsegruigú dí nuxpri̱guíí (6-13)

    • “Atanirataminaʼ mu mataxkamaminaʼ ga̱jma̱a̱ʼ Dios ndrígáaʼ” (12)

    • Dios “naʼthúu̱n xa̱bu̱ ndiéjuunʼ rí nandxa̱ʼwáminaʼ” (13)

4  “Gudxawíín ajngáa rígi̱, gu̱ʼu̱ bi̱ nindxa̱la xóo xedi̱ náa Basán,bi̱ kuwáanʼ náa kúbá ndrígóo Samaria,ikháanʼla gu̱ʼu̱ bi̱ nuni̱ nduwiinʼ bi̱ nda̱ñúunʼ ga̱jma̱a̱ nuxujmbárígíin xa̱bu̱ ngíníin,ikháanʼ bi̱ nuthu̱u̱n a̱jmbia̱la:* ‹¡Guyéwáaʼ rí muwánxu̱!›.  2  Tátá Jeobá bi̱ itháán mba̱a̱ bi̱ nindxu̱u̱ kaʼwii, ikhaa nixná ajngóo: ‹“¡Gu̱ya̱a̱! Na̱ʼkha̱ mbiʼi rí ikhaa makujxáanʼ ga̱jma̱a̱ gancho rí najmuu bi̱ nagujua̱ xuwiʼbi̱ gáguanún makujxi̱i̱n ga̱jma̱a̱ xkramánʼ.*  3  Mámbáa rí ikháanʼla muʼgua mbájmbu mu magajnála náa xtájtsí rí nijngudiri̱ya̱ʼ,ga̱jma̱a̱ ikháanʼ muxkawáanʼ náa Harmón”, eʼthí Jeobá›.  4  ‹Aguwaʼ náa Betel ga̱jma̱a̱ guxujxímijnála ikhí,náa Guilgal, ¡guxujxímijnála itháan ikhí! Aguwaʼ kudala tsigijñaʼ rí muxnajxí miʼcha̱ga̱jma̱a̱ índo̱ gáʼni ajtsú mbiʼi aguwaʼ kudala mbá nguéjma̱ rí mu̱xnala.*  5  Gutsikarámáʼ tsigijñaʼ dí muxna̱a̱ núma̱aʼ rí nindxu̱u̱ pan dí gíʼdoo levadura. ¡Gakhi̱i̱ gútala ga̱jma̱a̱ numuu tsigijñaʼ rí ni̱ʼkha̱ a̱jkia̱la mu̱xna̱! Numuu dí rúʼko̱ rí naniguala mu̱ni̱ ikháanʼ xa̱bu̱ xuajin Israel›, eʼthí Tátá Jeobá bi̱ itháán mba̱a̱.  6  ‹Ikhúún nini̱ rí xáguaʼdáá rí muphula náa xúgíʼ xuajñalanini̱ dí xárígá ganitsu náa xúgíʼ guʼwá,mú ikháanʼ na̱nguá nitangáanʼ náa ikhúún› eʼthí Jeobá.  7  ‹Ikhúún ma̱ngaa nini̱ dí xáxnúu ruʼwa ajtsú igu̱nʼ wapháá nákhá xóó tséxtagijxi̱i̱ rí nijuiʼdu. Nini̱ rí maxnúu ruʼwa náa mbá xuajin mú náa i̱mba̱ xuajin na̱nguá. Triga̱á mbaaʼ náa naxnúu ruʼwa,mú náa tséxnúu ruʼwa xúgíʼ dí rígá ikhí nujndooʼ.  8  Xa̱bu̱ bi̱ kúwá náa a̱jma̱ o ajtsú xuajin asndu néʼngu̱u̱n nagún náa i̱mba̱ xuajin mu mbuya̱ʼ iyaʼ muwa̱a̱nmú tségiʼmún ga̱jma̱a̱ iyaʼ rí na̱ʼwa̱a̱n,maski má xúʼko̱ ikháanʼla na̱nguá nitangáanʼ náa ikhúún›, eʼthí Jeobá.  9  ‹Nini̱ gínáanʼla ga̱jma̱a̱ rí mijkha mbiʼ ma̱ngaa ga̱jma̱a̱ e̱wi. Ikháanʼ niguaʼdáá mbaʼa huerta ga̱jma̱a̱ náa nudulu uva,mú tsíʼbu* ni̱ʼkhu̱ ixi̱ higo ga̱jma̱a̱ ixi̱ olivo,maski ajndu xúʼko̱ ikháanʼ na̱nguá nitangáanʼ náa ikhúún›, eʼthí Jeobá. 10  ‹Nikuʼmá mbá nandii náa ikháanʼla xóo nandii dí ni̱jkha̱ náa Egipto. Nigudíin ga̱jma̱a̱ espada jiámiála ga̱jma̱a̱ ni̱jkhá kagui̱i̱n wáyala. Nini̱ rí maʼni ndaska náa giáanʼla xó má ndaskiin bi̱ nikháñún,maski ajndu xúʼko̱ ikháanʼ na̱nguá nitangáanʼ náa ikhúún›, eʼthí Jeobá. 11  ‹Ni̱ni̱ gámbóʼ kubalaxó má Dios niʼni gámbáa Sodoma ga̱jma̱a̱ Gomorra. Ikháanʼ nindxa̱la xó ixi̱ dí nixmajui̱i̱ náa aguʼ,mú na̱nguá nitangáanʼ náa ikhúún›, eʼthí Jeobá. 12  Ikha rúʼko̱ rí mania̱a̱ʼ Israel. Ga̱jma̱a̱ numuu rí xígi̱ kaʼnii dí mania̱a̱ʼ Israel,atanirataminaʼ mu mataxkamaminaʼ ga̱jma̱a̱ʼ Dios ndrígáaʼ. 13  ¡Atayáá!, ikhaa nindxu̱u̱ bi̱ niʼni kúbá ga̱jma̱a̱ bi̱ niʼni giñánʼ. Ikhaa naʼthúu̱n xa̱bu̱ ndiéjuunʼ rí nandxa̱ʼwáminaʼ,ikhaa naʼni rí índo̱ najtsiriga̱ maʼni̱i̱ mikína,ikhaa nindxu̱u̱ bi̱ nakujmbiriga̱ ku̱ba̱ʼ rí mitsídánʼ. Mbiʼyuu nindxu̱u̱, Jeobá Dios bi̱ naʼtáñajúúnʼ ángeles”.

Mbaʼa nota

^ O “jmba̱ya̱la”.
^ O “anzuelo”.
^ O “diezmo”. Atayáá glosario, diezmo.
^ O “aʼbu”. Náa ajngáa hebreo naʼthí, “langosta”. Atayáá glosario, tsíʼbu.

Copyrights ndrígóo i̱yi̱i̱ʼ rígi̱