Amós 5:1-27
5 “Ikháanʼla bi̱ kuwáanʼla náa goʼwóo Israel, gudxawíín ajngáa rí matala ga̱jma̱a̱ numala xóo mbá ajmúú ngíná:
2 ‹Israel, dxáʼgú bi̱ xóó tsébóoʼ ga̱jma̱a̱ xa̱bu̱, nixpátri̱ga̱a̱.Nánguá eʼngo̱o̱ gátujxi̱i̱ mbu̱júu̱.
Niguanáti̱go̱o̱ má náa mbayuuʼ.Ndawa̱a̱ nimbáa tsáa makujxi̱i̱›.
3 Rígi̱ rí naʼthí Tátá Jeobá bi̱ itháán Mba̱a̱:
‹Xuajin rí nikuʼmiin mbá mil soldados mu magún gúxmijná maguanún xóó i̱mbá cienxúʼko̱ má bi̱ gákuʼmiin i̱mbá cien maguanún i̱mbá gu̱wi̱i̱nʼ. Xúʼko̱ kaʼnii gágíʼnuu goʼwóo Israel›.+
4 Rígi̱ dí Jeobá naʼthúún bi̱ kúwá náa goʼwóo Israel:
‹Gutangáanʼla náa ikhúún mu xúʼko̱ ma̱ndoo makuwáanʼla.+
5 Xáʼguala náa* Betel,+ni má xáʼguala náa Guilgal+ ni má xánújngala náa ndawaa mu muʼguala Beer-Seba.+Numuu rí Guilgal maʼga kiʼyáa+ga̱jma̱a̱ Betel maguma gámbáa.*
6 Gutangáanʼla náa Jeobá mu ma̱ndoo makuwáanʼla,+mu xúʼko̱ ikhaa xáʼni gámbíin e̱ji̱i̱n José xóo mbá aguʼga̱jma̱a̱ xúʼko̱ makuwá bi̱ mutsijui̱i̱ʼ aguʼ rí matsikáa Betel.
7 Ikháanʼ ni̱nila rí maʼni̱i̱ miʼkhu̱u̱n* rí nindxu̱u̱ májánʼga̱jma̱a̱ tsíyala gúya̱a̱ rí nindxu̱u̱ jmbu.+
8 Ikhaa bi̱ niʼnii mbá grupo a̱ʼgua̱a̱n Kimá* ga̱jma̱a̱ mbá grupo a̱ʼgua̱a̱n Kesil,*+ikhaa bi̱ naʼni rí mikína mbiʼ mambiʼiti̱ga̱ rí miʼcha̱,bi̱ naʼni rí mbiʼi maʼni mikína xó má mbruʼun,+bi̱ nagímbóo iyaʼ lamáa*mu maxidírámuuʼ náa tsu̱du̱u̱ ku̱ba̱ʼ...,+mbiʼyuu nindxu̱u̱ Jeobá.
9 Ikhaa nda̱a̱ tsu̱ma̱ maʼni gámbíin bi̱ mixkujinʼga̱jma̱a̱ xúʼko̱ maʼni gámbáa xtájtsí.
10 Ikhiin nawiñu̱u̱nʼ kuñún bi̱ nuxprigún xa̱bu̱ náa riejuun xuajinga̱jma̱a̱ tsíñún gúñún bi̱ nuthi rí gajkhun.+
11 Ga̱jma̱a̱ numuu rí ikháanʼ nuruminla xa̱bu̱ ngíníin ga̱jma̱a̱ numuu ku̱ba̱ʼma̱ngaa nunduʼu̱u̱nla rí muxna tsígáʼ rí guáʼdáá,+ikha jngóo ikháanʼ ni xákuwáanʼ náa guʼwá rí ni̱nila ga̱jma̱a̱ itsí+ni má xúwáan vino rí itháan májánʼ rí nigájnáa náa uva rí nidula.+
12 Nda̱yo̱o̱ má dí ra̱ʼkhá tháán mbaʼa nuthu nuxujxímíjnálaga̱jma̱a̱ mbiiʼ nindxu̱u̱ aʼkhá rí nixuʼdamíjnálá:nuni̱ ngínáa xa̱bu̱ jmbii,nundrígúla regalo mu muni̱ dí raʼkhítsénimbáníí xó má kaʼyoo numuu xa̱bu̱ ngínáa náa xkrugoo xuajin.+
13 Ikha jngóo bi̱ najmañún, wíí gátrigi̱i̱n náa mbiʼi rúʼko̱,numuu rí mani̱ndxu̱u̱ mbá mbiʼi rí ma̱ʼkha̱nú gamiéjunʼ.+
14 Guʼyáʼ rí májánʼ raʼkháa dí ra̱májánʼ,+mu xúʼko̱ ma̱ndoo makuwáanʼla.+
Ikhú, Jeobá Dios bi̱ naʼtáñajúúnʼ ángeles maxtáa ga̱jma̱á nindxa̱la,xó má ikháanʼ nu̱tala rí xtáa ga̱jma̱á nindxa̱la.+
15 Gaʼndala kuya̱a̱ rí májánʼ ga̱jma̱a̱ gawi̱ya̱la̱ kuya̱a̱ dí ra̱májánʼ,+ga̱jma̱a̱ gaguma xó má kaʼyoo náa riejuun xuajin.+
Mbáa xúʼko̱ Jeobá Dios bi̱ naʼtáñajúúnʼ ángelesmagáwíinʼ a̱jkiu̱u̱n kaʼñún bi̱ xóó naguanún náa goʼwóo José›.+
16 Ikha jngóo, rígi̱ rí naʼthí Jeobá Dios bi̱ naʼtáñajúúnʼ ángeles, Jeobá, naʼthí:
‹Náa xúgíʼ xuáá marigá xtambiyaʼnáa xúgíʼ kamba̱a̱ xa̱bu̱ mumbi̱ya̱ʼ ngínún:
Mundxa̱ʼwu̱u̱n xa̱bu̱ bi̱ nudu xanáá mu makuwá ngínága̱jma̱a̱ bi̱ nuruma, mumbi̱ya̱ʼ mu magáwíinʼ a̱jkiu̱ún›.
17 ‹Náa xúgíʼ mbaaʼ rí nudu uva marigá xtambiyaʼ,+numuu rí ikhúún manújngoʼ náa majña̱a̱ʼ ikháán›, eʼthí Jeobá.
18 ‹¡Gíníínlá bi̱ ra̱ʼkhá tháán guáʼthi̱i̱n mbiʼi ndrígóo Jeobá!+
Ndiéjunʼ lá gárígá náa mbiʼi ndrígóo Jeobá rá.+
Ni xámbiʼi, maʼni mikína.+
19 Mani̱ndxu̱u̱ xóo mbáa xa̱bu̱ bi̱ nakríyáaʼ náa inuu león ga̱jma̱a̱ naraʼnuminaʼ ga̱jma̱a̱ mbáa osoga̱jma̱a̱ índo̱ nata̱ʼa̱a̱ náa goʼwóo naxkajma náa pared, ikhú naʼkhu̱u̱ mbáa a̱bu̱nʼ.
20 Lá raʼkháa mbiʼi ndrígóo Jeobá maʼni mikína ni xámbiʼi ráʼ.Lá raʼkháa mikína kri̱ga̱ gáʼni ni xárígá aguʼ ráʼ.
21 Ikhúún nawi̱yu̱ʼ ga̱jma̱a̱ tsíyóʼ gáyóo ndxa̱a̱ ndrígala+ga̱jma̱a̱ tsénigu̱ʼ jxu̱u̱ʼ tsigijñaʼ rí nutsikarámáʼ índo̱ nagimbáanʼla náa mbiʼi kiejuunʼ.
22 Maski má nuxnajxí tsigijñaʼ dí nakarámáʼga̱jma̱a̱ i̱ʼwáʼ tsigijñaʼ,tsigijñaʼ rígi̱ xániguʼ.+Ni má xágruíguíin xujkiála bi̱ mbaʼwi̱i̱n bi̱ nuxnajxíi̱n xóo tsigijñaʼ dí tsímáá.*+
23 Ni xúni̱ ajmúú náa mbaʼ nundxaʼwáálani má xúdi̱i̱ ajmúú madxun ga̱jma̱a̱ ajua̱nʼ ndrígala rí gíʼdoo cuérdóo.+
24 Gaguma xó má kaʼyoo xóo iyaʼ rí na̱jkha̱ kúʼwúun,+ga̱jma̱a̱ gaguma rí jmbu, xó má iyaʼ mata rí tsétumuu.
25 Ikháanʼla xa̱bu̱ Israel, lá niguwaʼ kudala tsigijñaʼ náa ikhúún ga̱jma̱a̱ rígá rí nixnuʼnáa mbá cuarenta tsiguʼ rí nijnguaʼánʼla náa ku̱ba̱ʼ mijxooʼ* ráʼ.+
26 Mú rí xúgi̱ mbaʼyóoʼ muʼgua kuya̱a̱la Sakut ga̱jma̱a̱ Keván,* rey ndrígalaxtiʼkhuu a̱ʼgua̱a̱n bi̱ nindxu̱u̱ xóo dios bi̱ ikháanʼ ni̱nila,
27 ga̱jma̱a̱ ikhúún ma̱ni̱ rí maʼga̱ kiʼdáanʼla itháan ñuʼún náa Damasco›,+eʼthí bi̱ mbiʼyuu nindxu̱u̱, Jeobá, Dios bi̱ naʼtáñajúúnʼ ángeles”.+
Mbaʼa nota
^ Náa ajngáa hebreo naʼthí, “Xúʼyáʼla”.
^ O mbáa “mani̱ndxu̱u̱ gamíi”.
^ O “mar”.
^ Mbáa nandoo gáʼthúu̱n grupo a̱ʼgua̱a̱n bi̱ mbiʼyuu Orión.
^ Mbáa nandoo gáʼthúu̱n grupo a̱ʼgua̱a̱n bi̱ mbiʼyuu Tauro.
^ O “desierto”.
^ Mbáa a̱jmi̱i̱n dioses bugi̱ nindxu̱u̱ planeta Saturno, rí nduyamajkuíí xóo mbáa dios.
