Njengobe Isaya abiketela, sibona kwandza lokukhulu encenyeni yenhlangano yaJehova lesemhlabeni. (Isa 54:2) Lokwandza kwenta kube nesidzingo sekwakhiwa kwemaHholwa eMbuso lamasha, emaHholwa eMhlangano kanye netakhiwo teligatja. Ngemuva kwekwakhiwa kwato, letakhiwo tibese tidzinga kunakekelwa futsi letinye tidzinga nekulungiswa. Loku kusiniketa maphi ematfuba ekunikela ngesikhatsi setfu kanye nangemandla etfu kuJehova?

• Kufanele sibe khona nangabe licembu letfu labelwe kutsi lihlante liHholwa LeMbuso

• Singavolontiya kute siceceshelwe kunakekela liHholwa letfu leMbuso

• Singagcwalisa lifomu lekuvolontiya i-DC-50 kuze sisite ngetikhatsi letitsite ekwakheni kanye nesekunakekeleni takhiwo letidvute nalapho sihlala khona

• Singagcwalisa lifomu lekuvolontiya i-A-19 futsi sivolontiye kuze sisite eBethel lesensimini yeligatja lesikulo nobe kulamanye emagatja, liviki linye nobe ngetulu

BUKELA I-VIDEO LETSI UMSEBENTI LOMUSHA WEKWAKHA LOHLELWA KWENTIWA—INCENYE, BESE UPHENDVULA LEMIBUTO LELANDZELAKO:

• Kusukela nga-2014 nguyiphi intfutfuko lebe khona endleleni lesisebentisa ngayo ema-video?

• Kute kwentiwe ema-video lamanyenti ladzingekako ekukhonteni Jehova, ngumuphi umsebenti lohlelwa kwentiwa, futsi lomsebenti uhlelwa kutsi ucale nini uphindze uphele nini?

• Emavolontiya angasita njani kulomsebenti?

• Nangabe sifuna kusita ekwakheni lokutawenteka eRamapo, kungani kufanele sigcwalise lifomu i-DC-50 siphindze sisite naku-LDC lesedvutane nalapho sihlala khona?

• Ngubuphi bufakazi lobukhombisa kutsi Jehova uyawucondzisa lomsebenti?

• Yini lesingayenta kute sisekele lomsebenti ngisho nome singeke sikhone kuyosita ekwakheni?