“UMbuso Wakho Awute”—Umthantazo Loshiwo Tigidzi Tebantfu
Wake wawuthantazela yini uMbuso waNkulunkulu kutsi ute? Sekuphele sikhatsi lesidze bantfu bathantaza batsi: “UMbuso wakho awute.” Yini lebenta bathantaza ngalendlela? Kungenca yekutsi Jesu watjela balandzeli bakhe kutsi bathantazele uMbuso waNkulunkulu.
Ekucaleni, balandzeli baJesu bebangakucondzi konkhe labekusho mayelana neMbuso. Bake bambuta batsi: “Nkhosi, lesi sengiso yini sikhatsi lotawubuyisela ngaso umbuso ku-Israyeli?” Kungenteka kwabamangalisa kutsi Jesu angabaniketi imphendvulo lecondzile. (Imisebenti 1:6, 7) Loko kusho kutsi angeke sati yini kutsi uMbuso waNkulunkulu uyini nekutsi utawufika nini? Cha, akusho loko!
LeSicongosekulindza sitakusita utfole timphendvulo talemibuto lelandzelako:
Yini lesenta sidzinge uMbuso waNkulunkulu?
Ngubani iNkhosi yeMbuso waNkulunkulu?
UMbuso waNkulunkulu utawubusa nini emhlabeni?
Yini letawufezwa nguMbuso waNkulunkulu?
Yini lesenta sikhetse kusekela uMbuso waNkulunkulu nyalo?
Uyini uMbuso waNkulunkulu?
Lokunye Longatsandza Kukuhlola
TIMFUNDZISO TELIBHAYIBHELI LETIBALULEKILE
Uyini UMbuso WaNkulunkulu?
Ngesikhatsi alapha emhlabeni, Jesu bekafundzisa kakhulu ngeMbuso waNkulunkulu kwendlula nobe ngabe yini lenye. Sekuphele iminyaka leminyenti bantfu bathantazela kutsi loMbuso ufike.
