Yebo siyawenta. Kuto tonkhe tindzawo lesihlala kuto, boFakazi BaJehova betama kuba nesimo sengcondvo lesifana nesetitfunywa telivangeli. Bantfu lesihlangana nabo siyabatjela ngekukholwa kwetfu.—Matewu 28:19, 20.

 Ngetulu kwaloko, labanye boFakazi bavakashela letinye tindzawo temave akubo nobe batfutsele kuleto tindzawo nangabe kunebantfu labanyenti labasadzinga kuva tindzaba letimnandzi letiseBhayibhelini. Labanye boFakazi batfutsela kulamanye emave kute batfutfukise umsebenti wabo wekushumayela. Bakujabulela kakhulu kuba nesandla ekugcwaliseni siphrofetho lesashiwo nguJesu: “Niyawuba bofakazi bami . . . kuze kube ngusekugcineni kwemhlaba.”—Imisebenti 1:8.

 Nga-1943, sasungula sikolwa sekucecesha labanye betfu labatitfunywa telivangeli. Kusukela ngaleso sikhatsi, sekunaboFakazi labangetulu kwa-8 000 lesebake basingenela lesikolwa lesatiwa ngekutsi yi-Watchtower Bible School of Gilead.