16. Tohero ty Devoly
1 TY DEVOLY RO MIFEHY ANI-TONTOLO TOY
“Zao tontolo zao iaby, le ambany fahefàni-azy raty iny eo.”—1 Jaona 5:19
Ino ty raha kendreni-Satana?
-
1 Petera 5:8
Teani-Satana ho simbà noho horavà mihintsy ty fifandrambesantsika amy Jehovah.
-
Joba 2:4, 5
Meloky ie lafa mahita olo manjary mahay ani-Jehovah noho tea azy.
2 KA MATAHOTSY ANI-SATANA
“Manekea a-Ndranahary, fa tohero ty Devoly, le hilay anareo ie.”—Jakoba 4:7
Akory ty ahaizantsika hoe afaky manohitsy ty Devoly tsika?
-
Apokalypsy 7:9, 14
Misy raha tsy engàni-Jehovah hataoni-Devoly amintsika mihintsy. Nampitamà Ndranahary fa hisy vahoaky be ho tafaboaky velo ka ho avy amy tontolo vaovao ao.
-
2 Tantara 15:2
Laha mifandramby marìny amy Jehovah tsika, le tsy ho vitani-Satana ty hanimba ty fifandrambesantsika Aminy.
-
1 Korintianina 10:13; Hebreo 11:4-40
Mampitamà Jehovah fa hampeany tsy hivaliky manahaky olo maro nampeany taloha rey tsika.
3 MIAMBENA SOA AMY FANDRIKINI-SATANA
“Haintsika ty teti-dratiny.”—2 Korintianina 2:11
Ino iaby ty karaza fandriky ampiasani-Satana?
-
Jaona 15:19; Apokalypsy 12:12, 17
Mifehy ani-tontolo toy ty Devoly. Fe tsy mifehy ty vahoaki-Ndranahary ie, ka ataony ze hahazoa an-drozy.
-
Genesisy 3:1; Galatianina 5:19-21; Efesianina 6:12
Ataoni-Satana ze hahaiza ty handrantsika, amy zay hampiasany hamandriha antsika.
-
Levitikosy 19:26; Isaia 1:13, 15; Marka 5:25, 26
Filio soa ty fitsaboa hataonao. Lafa maniry ho janga marè ty olo raiky, le mety hanaraky fitsaboa mifandramby amy fanahy raty.
-
Deoteronomia 18:10-12; Asan’ny Apostoly 19:19; Galatianina 6:7; Apokalypsy 21:8
Laha hitani-demonia reo hoe mahakinto antsika ty raha mikasiky hery hafahafa, le hohararaotin-drozy raha zay. Hivaliky amy Jehovah tsika laha manao raha mifandramby amy demonia.
4 KA APARITAKY TY VANDINI-DEVOLY
“Mpavandy [ty Devoly] sady babani-vandy.”—Jaona 8:44
Akory ty mety hahavy antsika hampiparitaky ty vandini-Devoly?
-
Romanina 1:11, 12; 2 Timoty 2:16
Lafa mitantara mikasiky ty Devoly noho ty demonia ty olo, le ho raha farani-ze mahery io ty fahità azy. Fe tsy tokony hampiparitaky tantara mampatahotsy olo tsika, fa aleo mifampahery.
-
Efesianina 6:11
Laha mahay ty fandriky ampiasani-Devoly tsika, le afaky hanohitsy azy sady hifandramby marìny amy Jehovah.
