Hanenty ty anatiny ao

2024

Fahatiarova ty Nahafatesan’i Jesosy

Ino ty Soa Rambesinao baka amy ty Soro Nataony?

Manasa anao zahay hanatriky fotoa roe miavaky tsy misy vidim-pidira retoa:

  • Lahateny manoka hoe “Ho Resy ty Fahafatesa lafa Hovelomy ty Maty!”

  • Fahatiarova ty nahafatesan’i Jesosy

Fahatiarova ty Nahafatesan’i Jesosy

Lahady 24 Marsa 2024

Mahatiaro ty nahafatesan’i Jesosy indraiky santao ty Vavolombelon’i Jehovah satria manaraky ty didiny hoe: “Anovo avao zao ho fahatiarova ahy.”​—Lioka 22:19.

Hila Fahatiarova

LAHATENY MANOKA

“Ho Resy ty Fahafatesa lafa Hovelomy ty Maty!”

Hatao amy faran’ny herinandro aloha kelin’ny Fahatiarova lahateny io. Horesahin’ny mpandahateny hoe manino ro mahasoa anao noho ty longonao ty fameloma ty maty.

Fanontanea Fapetrakin’Olo

Firy lera fandahara io?

Lera raiky eo ho eo avao.

Hatao aia raha io?

Miresaha amy Vavolombelon’i Jehovah mba hahaizanao an’izay.

Misy vidim-pidira va?

Tsy misy.

Misy rakitsy va?

Tsy misy. Tsy mitanty rakitsy mihintsy ty Vavolombelon’i Jehovah lafa mivory.

Akanjo manao akory ro andesy any?

Tsy misy karazan’akanjo manoka anaova amy fotoa io. Fe ndre zay, le miezaky manaraky ty torohevitsin’ny Baiboly ty Vavolombelon’i Jehovah, ka manao akanjo maotina noho mihaja. (1 Timoty 2:9) Tsy voatery manao akanjo miavaky na lafovily iha.

Ino ty raha atao amy Fahatiarova io?

Atomboky noho tampery amy hira noho vavaky fandahara io. Vavolombelon’i Jehovah raiky ro hanao an’ny vavaky io. Lahateny na toriteny raiky ro tena tampany bevata amy Fahatiarova io. Hohazavany amin’io hoe manino ro tena vatan-draha ty nahafatesan’i Jesosy, le ino ty azontsika atao mba hahafahantsika mandramby soa baka amy ty raha natao-Ndranahary noho Kristy ho antsika.

Ombia ty datin’ny Fahatiarova manaraky?

2024: Lahady 24 Marsa

2025: Sabotsy 12 Avrily

2026: Kamisy 2 Avrily

Laha mila fanazavà fanampiny, le henteo video retoa:

Tiarovo ty Nahafatesani-Jesosy

Ho hitanao ao fa ho soasoa ty fiaina amy hoavy vokatsin’ny fahafatesan’i Jesosy.

Nanino Jesosy ro Nimaty?

Mety fa naharè avao iha hoe nimaty Jesosy mba hanafaha antsika amy fahotà. Fe azo inoa va hoe olo raiky avao ro nimaty le olo an-tapitrisany ro mandramby soa baka amy raha zay?

Hangalaky an’ny fanasà toy mba hatao printy.