Falifaly biby zahay manasa anao hanatriky ani-fivoriambe telo andro ataoni-Vavolombeloni-Jehovah amy tao toy.

TY RAHA HO HITANAO AO:

  • Lahateny Noho Fanadikadìna: Hanampy anao tsy hatahotsy lafa tojiky raha manahira, ndre henanizao ndre amy hoavy.

  • Video: Ho hitanao fa mampianatsy antsika tsy hatahotsy ty tantaran’olo sisany noho ty biby limy tsy matahotsy.

  • Lahateny Mampahery: Ho hainao hoe nanino Jesosy ro nivola tamy nahoda raiky maty anaky hoe: “Ka matahotsy.” (Marka 5:36) Hisy lahateny mifototsy amy Baiboly amy Lahady maray hanazava hoe “Manino ty Fitamàna Fameloma ty Maty ro Manampy Antsika Tsy Hatahotsy?”

  • Filma: Ho hitanao amy Lahady folakandro hoe nanino Jona ro natahotsy, le nilay lafa nirahy.

IA IABY TY AFAKY MANANY?

Ty olo iaby. Tsy misy drala aloa ty any sady tsy misy tanty rakitsy.

Henteo ty fandaharam-potoa iaby noho ty video mikasiky ty fivoriambenay.