Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

2. Mana Feoni-Fieritsereta Malio Anatreha-Ndranahary Eo

2. Mana Feoni-Fieritsereta Malio Anatreha-Ndranahary Eo

1 FANOMEZA BAKA AMY NDRANAHARY TY FEONI-FIERITSERETANTSIKA

“Ty eritseriny avao ro mandentiky na manafaky azy.”—Romanina 2:14, 15

Akory ty anampeani-feoni-fieritseretanao anao?

  • Salamo 139:23, 24

    Ty feoni-fieritseretantsika ro ahaizantsika ze soa noho raty anatintsika ao. Manampy antsika raha io mba haneky ze tena eritseretintsika noho tsapantsika anatintsika any.

  • 1 Samoela 24:5; Joba 27:6

    Afaky mitariky antsika hanao raha soa noho hanalavitsy raha raty ty feoni-fieritseretantsika. Mahavy antsika hahatsapa ho diso raha io laha tsy nety ty fanapahan-kevitsy nataontsika, na mahavy antsika ho falifaly laha nahay nanapa-kevitsy tsika.

 

2 MILA AMPIOFANY TY FEONI-FIERITSERETANTSIKA

“Mamitaky mandilatsy ty raha iaby ty fo, sady sarotsy fehezy.”—Jeremia 17:9

Ino ty nameani-Jehovah antsika mba hanampea antsika hampiofana ty feoni-fieritseretantsika?

  • Romanina 9:1; 1 Korintianina 4:4

    Tsy lavorary tsika ka mety ho diso ty feoni-fieritseretantsika. Tokony hotarihini-fanahy masy ie, fa tsy hanaraky ze teateantsika avao.

  • Hebreo 5:14; 1 Petera 3:16

    Ianarantsika amy Baiboly ao ty hevitsini-Jehovah. Manampy antsika raha zay mba hahay hanavaky ty soa noho ty raty, noho hampiofana ty feoni-fieritseretantsika.

 

 3 TSY TY OLO IABY RO MITOVY FEONI-FIERITSERETA

“Samby ie ty kiraidraiky hila avao, tsy ze hahasoa ty vatany, fa ze hahasoa ty hafa.” —1 Korintianina 10:23, 24

Ino ty ahità hoe manaja ty feoni-fieritseretani-hafa tsika?

  • Romanina 15:1, 3

    Tsy mitovy ty fiasani-feoni-fieritseretan’olo kiraidraiky. Mety hanenga anao hanao raha raiky ty feoni-fieritseretanao, fe tsy haneky ani-zay ty ahin’olo hafa.

  • 1 Korintianina 10:31-33

    Ze hahasoa ty rahalahy noho anabaviny tse ro nieritseretini-apostoly Paoly, fa tsy ty hahasoa azy. Ty fihetseham-pon-drozy ro vatan-draha marè taminy mandilatsy ty raha teany.

  • Romanina 14:10, 19

    Nameani-Jehovah feoni-fieritsereta tsika mba hitsarantsika ty vatantsika, fa tsy hitsarà olo. Mila miamby soa tsika mba tsy hizizo hoe ty ahintsika avao ro marina fa diso ty ahin’olo.

 

4 AFAKY MANAMPY ANTSIKA HANA FEONI-FIERITSERETA MALIO JEHOVAH

“Zay ro hanomezantsika toky ty fontsika alohany eo ... satria bevata mandilatsy ty fontsika Ndranahary, sady mahay ty raha iaby.” —1 Jaona 3:19, 20

Manino tsika ro tsy tokony ho kivy laha mbo mahatsapa diso avao amy ty raha nataontsika taloha?

  • Salamo 86:5; 1 Korintianina 6:11

    Laha mbo mahatsapa diso amy ty fahotà nataontsika taloha tsika, le mety hijaly marè sady hieritseritsy ty vatantsika ho tsy misy dikany, ndre fa ela aza tsika ro nibebaky. Fe tsy afaky manova ty taloha tsika. Nanenga ty hadisoantsika Jehovah, sady fa voafafa fahotà rey. Afaky ho malio anatrehany eo tsika.

  • Galatianina 6:2; 1 Petera 2:16

    Mifototsy amy torolalani-Baiboly ty “lalànani-Kristy” fa tsy amy lalàna. Tsy mila fomba hanaova raha raty ty Kristiana, ndre tsy misy lalàna mikasiky ani-raha iny aza.